బాధ్యతలు చేపట్టిన రవి గుప్తా

ఎన్నికల ఓట్ల లెక్కంపు ఓ వైపు జరుగుతుండగానే.. డీజీపీ అంజనీ కుమార్‌ రేవంత్ రెడ్డి ఇంటికి వెళ్లడంతో ఈ సస్పెన్షన్‌కు కారణం అయింది. అంజనీ కుమార్ వెంట మహేశ భగవత్, సంజయ్ కుమార్ జైన్ కూడా ఉన్నారు. వారిద్దరికి కూడా నోటీసులు ఇచ్చింది ఈసీ. రేవంత్ రెడ్డిని కలిసిన డీజీపీ పుష్పగుచ్ఛం అందించి విషెస్ తెలిపారు. రేవంత్‌కు భద్రత కల్పించే అంశంపై చర్చించారు. డీజీపీ అంజనీ కుమార్ వెళ్లి టీపీసీసీ చీఫ్ రేవంత్ రెడ్డిని కలవడం వివాదాస్పదంగా మారింది. ఈ ఘటనపై ఎన్నికల సంఘం సీరియస్ అయ్యింది. ఎన్నికల కోడ్‌ను అతిక్రమించడంతో అంజనీ కుమార్‌పై సస్పెన్షన్ వేటు వేసింది.