రేపు హైదరాబాద్ లో ట్రాఫిక్ ఆంక్షలు

హైదరాబాద్ : రంజాన్ పండుగ నేపథ్యంలో హైదరాబాద్ లో మార్కెట్లు కళకళలాడుతున్నాయి. ముఖ్యంగా చార్మినార్ ఏరియాలో పండుగ వాతావరణం నెలకొంది. రేపు రంజాన్ పర్వదినం సందర్భంగా నగరంలోని పలు ప్రాంతాల్లో భారీ ఎత్తున ప్రార్థనలు జరగనున్నాయి. ఈ నేపథ్యంలో నగర పోలీసులు ట్రాఫిక్ ఆంక్షలు విధించారు. రంజాన్ ప్రార్థ‌నల నేప‌థ్యంలో రేపు ఉదయం 7 నుంచి 11:30 గంటల వరకు ట్రాఫిక్ ఆంక్ష‌లు విధిస్తున్న‌ట్లు పోలీసులు తెలిపారు. మెహిదీపట్నం నుంచి బంజారాహిల్స్‌ రోడ్‌ నంబర్‌ 1 వైపు వచ్చే వాహనాలు అయోధ్య, ఖైరతాబాద్, ఆర్టీఏ ఆఫీస్, తాజ్‌కృష్ణా మీదుగా వెళ్లాలని పోలీసులు సూచించారు.