Medaram : భక్త జనసంద్రంగా మారిన మేడారం

నిన్న ఉదయం నుంచే మేడారం దారులన్నీ జనసంద్రంగా మారాయి. ఇప్పటికే ప్రభుత్వం అన్ని ఏర్పాట్లు అక్కడ పూర్తి చేసింది. భారీగా అధికారులను, సిబ్బందిని నియమించింది. భక్తులు ఇబ్బందులు పడకుండా అవసరమైన అన్ని చర్యలు తీసుకుంది. తాగునీటికి, స్నానానికి అవసరమైన సదుపాయాలను కల్పించింది. భక్తులు ఎలాంటి ఇబ్బందులు పడకుండా అవసరమైన అన్ని చర్యలు తీసుకుంది. దీంతో తొలి రోజు మేడారం జాతరకు భక్తులు అధిక సంఖ్యలో వచ్చినా ఎలాంటి ఇబ్బందులు లేకుండా తొలి ఘట్టం పూర్తయింది.

ఈరోజు చిలుకులగుట్ట నుంచి సమ్మక్క తల్లి వచ్చిభక్తుల మొక్కులు అందుకోనుంది. ఈరోజు సాయంత్రం ఐదు గంటలకు సమ్మక్క తల్లిని గద్దెలపై ప్రతిష్టించనున్నారు. దీంతో నేడు కూడా మేడారం భక్త జనం తరలి వచ్చిమొక్కులు చెల్లించుకుంటున్నారు. మేడారం వెళ్లే దారులన్నీ జనసంద్రంగా మారాయి. భక్తులు తండోపతండాలుగా తరలి రావడంతో మేడారం ఒక్కసారిగా కిక్కిరిసిపోయింది. భక్తుల శివసత్తుల పూనకాలతో మేడారం ప్రాంగణమంతా ఊగిపోయింది. భక్తులు నిలువెత్తు బంగారాన్ని సమర్పించుకుంటూ తమ మొక్కులు చెల్లించుకుంటున్నారు.