గుడ్ న్యూస్.. కేసులు తగ్గుతున్నాయ్

నిన్న ఒక్కరోజులో 16,113 మంది కోలుకున్నారని కేంద్ర వైద్య ఆరోగ్య శాఖ అధికారులు తెలిపారు. కోలుకున్న వారి శాతం 98.47 శాతంగా నమోదయింది. యాక్టివ్ కేసుల సంఖ్య శాతం మాత్రం 0.33 శాతంగా నమోదయింది. ప్రస్తుతం దేశంలో 4,37,83,062 మంది ఇప్పటి వరకూ కరోనా బారిన పడినట్లు గణాంకాలు చెబుతున్నాయి. వీరిలో 4,31,13,623 మంది కోలుకున్నారు. ఇక ఇప్పటి వరకూ 5,25,785 మంది కరోనా బారిన పడి మరణించారు. ప్రస్తుతం భారత్ లో యాక్టివ్ కేసులు 1,43,654 ఉన్నట్లు కేంద్ర వైద్య ఆరోగ్య శాఖ అధికారులు తెలిపారు. వ్యాక్సినేషన్ ప్రక్రియ కూడా వేగవంతమయింది. బూస్టర్ డోస్ కు అనుమతివ్వడం, 18 ఏళ్లు లోపు వారికి వ్యాక్సిన్ లు వేయడంతో డోసుల సంఖ్య పెరిగింది. ప్రస్తుతం భారత్ లో కరోనా వ్యాక్సిన్ డోసులు సంఖ్య 200.5 దాటిందని కేంద్ర వైద్య ఆరోగ్య శాఖ అధికారులు తెలిపారు.