హైదరాబాద్‌లో పోస్టర్ల కలకలం

అవినీతి ఆరోపణలు ఎదుర్కొన్న కొందరు నేతలు సీబీఐ, ఈడీ రెయిడ్స్ జరగగానే బీజేపీలో చేరిపోయారంటూ ఫ్లెక్సీలు వెలిశాయి. ప్రస్తుత కేంద్రమంత్రి జ్యోతిరాధిత్య సింధియా, అస్సాం ముఖ్యమంత్రి హిమంత విశ్వ శర్మ, వెస్ట్ బెంగాల్ బీజేపీ ముఖ్య నేత సువేందు అధికారి, ఆంధ్రప్రదేశ్ కు చెందిన మాజీ రాజ్యసభ సభ్యుడు సుజనా చౌదరి, కేంద్ర మాజీ మంత్రి నారాయణ్ రాణె ఫొటోలతో ఈ పోస్టర్లు కనిపిస్తున్నాయి. చివరిగా బై బై మోడీ అంటూ హాష్ టాగ్ తో పోస్టర్లు హైదారాబాద్ లో కనిపిస్తున్నాయి. ఈరోజు అమిత్ షా హైదరాబాద్ కు వస్తుండటంతో ఈ పోస్టర్లు వేయడం ప్రాధాన్యత సంతరించుకుంది.