Hyderabad Fire Accident : హైదరాబాద్ అగ్నిప్రమాదం వెనక విస్తుబోయే నిజాలివే

దాదాపు గంట సేపు మంటను అదుపులోకి తెచ్చే ప్రయత్నం చేసిన ఇంట్లో వారు అది విఫలం కావడంతో అప్పుడు అగ్నిమాపక కేంద్రానికి సమాచారం ఇచ్చారన్నారు. ప్రమాదం జరిగిన వెంటనే ఇద్దరు మహిళలు భవనం కిందకు వచ్చి కేకలు వేశారని, దీంతో స్థానికులు కూడా కొందరు వచ్చి మంటలను అదుపులోకి తెచ్చే ప్రయత్నం చేశారే కానీ అగ్నిమాపక సిబ్బందికి ఫోన్ చేయాలన్న ఆలోచన వారికి రాలేదని తెలిపారు. కింది అంతస్తులో మొదలయిన మంటలు పైన అంతస్తు వరకూ వ్యాపించేంత వరకూ స్థానికులు, కుటుంబ సభ్యులు కలసి మంటలను అదుపులోకి తెచ్చే ప్రయత్నం చేశారన్నారు. దానివల్లనే పదిహేడు మంది మరణించడానికి ప్రధాన కారణమయిందని చెప్పారు.

వెంటనే అగ్ని మాపక శాఖకు ఫోన్ చేసి ఉంటే వారు వచ్చి భవనంలో ఉన్న వారిని బయటకు తీసుకు వచ్చేవారని కమిటీ అభిప్రాయపడింది. భవనంలో ఉన్న వారంతా పొగలు వ్యాపించేంత వరకూ తలుపులు మూసుకుని అక్కడే ఉండటంతో ఊపిరాడకపోవడం వల్లనే మరణించారని నిర్ధారణకు వచ్చారు. ఇంటియజమానుల నిర్లక్ష్యమే ప్రమాద తీవ్రత పెరగడానికి కారణమయిందని కమిటీ అభిప్రాయపడింది. ప్రమాదం నుంచి తప్పించుకోవడానిక పై అంతస్తుకు వెళ్లి తలుపులు వేసుకోకుండా మరో మార్గంలో బయటకు వచ్చేందుకు ఏమైనా ప్రయత్నం చేసి ఉంటే గాయాలతోనైనా బయటపడే వారని నిపుణులు అభిప్రాయపడ్డారు. అందుకే మంటలను తేలిగ్గా తీసుకున్న ఇంటియజమానులు వాటిని అదుపు చేయలేక ఇంత మంది ప్రాణాలు పోవడానికి కారణమయ్యారన్నది కమిటీ అభిప్రాయంగా తెలుస్తుంది.