ఐకియాకు కేటీఆర్ కీలక సూచన.. ఏంటంటే?

హైదరాబాద్ లోని ఐకియా షోరూంలో మణిపూర్ కు చెందిన మహిళ వస్తువులను కొనుగోలు చేసింది. అయితే ఆ వస్తువులను తనిఖీ చేయడం వరకూ ఓకే. కాని గంటల కొద్దీ అనుమానంతో ఆ మహిళను సిబ్బంది నిరీక్షించేలా చూశారు. ఆమె కంటే ముందుగా వెళ్లిన వారిని తనిఖీ చేయలేదు. ఆమెను ఐకియా సిబ్బంది అనుమానంగా చూడటంతో ఆమె అవమానంగా ఫీలయింది. ఒంటరిగా ఉంచి సిబ్బంది అవమాన పర్చేలా వ్యవహరించారని, వివక్ష పూరితంగా ఐకియా సిబ్బంది వ్యవహరించారని ఆమె భర్త చేసిన ట్వీట్ కు కేటీఆర్ స్పందించారు. దీనికి ఐకియా షోరూం సమాధానం చెప్పింది. తనిఖీల సమయంలో అందరినీ చెక్ చేస్తారని చెప్పింది. చెకింగ్ లో అది ఒక భాగమని, ఇక్కడ ఎలాంటి వివక్ష ఎవరిపైనా చూపించలేదని ఐకియా షోరూం పేర్కంది.