నమ్రత నమ్మించి మోసం చేశారు : డీసీపీ

సరోగసి కోసం విశాఖకు చెందిన దంపతులను తాను ఒప్పించానని, వారు అందుకోసం ఐదు లక్షలు అడిగారని నమ్రత తెలిపినట్లు డీసీపీ తెలిపారు. దంపతుల నుంచి అండం, వీర్యం సేకరించి సరోగసీ చేస్తున్నామని, అందుకు విశాఖలోని సరోగసి మదర్ ను కూడా చూపించారన్నారు.అయితే నమ్రత సరోగసి చేయకుండానే అస్సోంకు చెందిన మహిళకు చెందిన శిశువును పుట్టగానే తీసుకుని తర్వాత దంపతులకు ఇచ్చారని అన్నారు. ఆ దంపతులకు అనుమానం వచ్చి డీఎన్ఏ టెస్ట్ చేయించారని, అప్పుడే ఆ శిశువు తమకు సరోగసి ద్వారా పుట్టిన బిడ్డ కాదని తేలిందని డీసీపీ వివరించారు. అన్ని రకాల నిబంధనలను సృష్టి ట్యూబ్ సెంటర్ నిర్వాహకులు ఉల్లంఘించారని డీసీపీ తెలిపారు.