Hyderabad : హైదరాబాద్ లో రెండు రోజులు మద్యం దుకాణాల బంద్

మద్యంప్రియులకు బ్యాడ్ న్యూస్. రెండు రోజుల పాటు మద్యం దుకాణాలను హైదరాబాద్ నగరంలో బంద్ చేయాలని ఎక్సైజ్ శాఖ ఉత్తర్వులు జారీ చేసింది.గణేశ్ నిమజ్జన వేడుకల సందర్భంగా మద్యం దుకాణాలను, వైన్ షాపులను రెండు రోజుల పాటు మూసివేయాలని ఉత్తర్వులు జారీ చేశారు. గణేశ్ నిమజ్జనం సందర్భంగా ఈ నెల 6వ తేదీ ఉదయం నుంచి ఏడో తేదీ సాయంత్రం ఆరు గంటల వరకూ మద్యం దుకాణాలను మూసివేయాలని ఆదేశించారు.