నేడు జగన్ వారికి 693 కోట్ల పంపిణీ

ఆంధ్రప్రదేశ్ ముఖ్యమంత్రి వైఎస్ జగన్ నేడు విద్యాదీవెన రెండో విడత కార్యక్రమానికి సంబంధించి నిధులను విడుదల చేయనున్నారు. ఏపీలో జగనన్న విద్యాదీవెన పథకాన్ని గత ఏడాది అమలు చేశారు. విద్యార్థులు తమ ఫీజులు చెల్లించడానికి ఈ పథకం ఉపయోగపడుతుంది. రెండో విడత విద్యాదీవెన కింద 11 లక్షల మంది విద్యార్థులు లబ్ది పొందనున్నారు. వీరి తల్లుల ఖాతాల్లో ఈరోజు జగన్ 693 కోట్ల రూపాయలు జమ చేయనున్నారు. తాడేపల్లి సీఎం క్యాంప్ కార్యాలయం నుంచి ఈ కార్యక్రమాన్ని జగన్ నిర్వహించనున్నారు.