Telangana : నిజామాబాద్ జిల్లా వాసులకు రేవంత్ గుడ్ న్యూస్

ఇటీవల కురిసిన భారీ వర్షాలకు ఉమ్మడి నిజామాబాద్ జిల్లా మొత్తం ప్రభావితమయిందన్నారు. జిల్లాలో ఎక్కడెక్కడ ఏ సమస్యలున్నాయన్నది తనకు నివేదిక అందించాలని, అందరి ఎమ్మెల్యేలతో కూర్చుని కలెక్టర్ తో పాటు అన్ని శాఖల అధికారుల నష్టం అంచనాలను రూపొందించాలని ఆదేశించారు. కేంద్ర ప్రభుత్వానికి సాయం కోసం నివేదిక పంపాలని రేవంత్ రెడ్డి కోరారు. అదే సమయంలో తాను మరో పదిహేను రోజుల్లో మరోసారి సమీక్ష చేస్తానని, అప్పుడు పూర్తిస్థాయి వివరాలతో తన ముందుకు రావాలని రేవంత్ రెడ్డి కోరారు. వరదల వల్ల నష్టపోయిన అందరినీ ఆదుకోవాల్సిన బాధ్యత ప్రభుత్వంపై ఉంటుందని ముఖ్యమంత్రి రేవంత్ రెడ్డి అన్నారు.