కాంగ్రెస్ పాలనలో పరిహాస నామ సంవత్సరమే : కేటీఆర్

గ్యారంటీ కార్డులు ఏమయ్యాయని నిలదీశారు. టీ20 వరల్డ్ కప్ ఇండియా గెలిచిందని, 420 కప్ పెడితే వీళ్లే గెలుస్తారని అన్నారు. ముఖ్యమంత్రి చెప్పినట్లుగా కర్ణుడేనని, తర్వాత కుంభకర్ణుడేనని అన్నారు. భవిష్యత్ లో సరిదిద్దు కునే పరిస్థితి కూడా లేదని కేటీఆర్ అన్నారు. వరంగల్, కామారెడ్డి, చేవెళ్ల డిక్లరేషన్లు ఏమయ్యాయని కేటీఆర్ ప్రశ్నించారు. పదే పదే ఢిల్లీ యాత్రలు తప్పించి రాష్ట్రానికి ఒరిగిందేమీ లేదన్నారు. తెలంగాణ జనం సొమ్ముతో ఇతర రాష్ట్రాల్లో ప్రచారం చేసుకుంటున్నారని అన్నారు. కనికట్టు ప్రకటనలు ఇచ్చి బయట రాష్ట్రాల వారిని కూడా బురిడి కొట్టే ప్రయత్నం చేస్తున్నారని కేటీఆర్ అన్నారు. అట్టర్ ప్లాప్ సినిమాకు సంబురాలు ఎవరైనా చేస్తారా? అని కేటీఆర్ ప్రశ్నించారు.