Telangana : భారీ వర్షాలతో పలు రైళ్ల రద్దు.. కొన్ని రైళ్లు దారి మళ్లింపు

తెలంగాణలో రెండు రోజుల నుంచి కురుస్తున్న భారీ వర్షాల కారణంగా కొన్ని రైళ్లను రద్దు చేయగా, మరికొన్ని రైళ్లను దారి మళ్లించినట్లు దక్షిణ మధ్య రైల్వే శాఖ అధికారులు తెలిపారు. భారీ వర్షం వల్ల పలు చోట్ల రైల్వే ట్రాక్ లు దెబ్బతినడంతో కొన్ని ప్రాంతాల్లో రైళ్ల రాకపోకలను నిలిపేశారు. వరద నీరు తగ్గిన తర్వాత మాత్రమే ఆ ప్రాంతం వైపు అనుమతిస్తామని రైల్వే శాఖ అధికారులు వివరించారు. ముఖ్యంగా నిజామాబాద్ - పెద్దపల్లి బైపాస్ - కాజీపేట / కాజీపేట టౌన్ మార్గం నుంచి వెళ్లే పలు రైళ్లను దారి మళ్లించినట్లు అధికారులు తెలిపారు. కామారెడ్డి - సికింద్రాబాద్ మధ్య పలు రైళ్లను దక్షిణ మధ్య రైల్వే శాఖ రద్దు చేసింది.