Telangana : రేవంత్ హస్తిన పర్యటన వెనక అదే బలమైన కారణమా?

అయితే మంత్రి వర్గ విస్తరణ చేయాలంటే ముందుగా మంత్రివర్గంలోనూ కొంత ప్రక్షాళన చేయాలని రేవంత్ రెడ్డి భావిస్తున్నట్లు తెలియవచ్చింది. కొందరికి రెండేళ్లపాటు మంత్రిపదవిగా అవకాశమిచ్చినందున మరికొందరికి అవకాశం ఇవ్వాలంటే మంత్రివర్గ ప్రక్షాళన చేయాలని ఆయన నిర్ణయం తీసుకున్నారని సమాచారం. కొందరిని మంత్రి వర్గం నుంచి తప్పించి మరికొందరికి సామాజికవర్గం, ప్రాంతాలకు తగినట్లుగా మంత్రి వర్గం ఏర్పాటు చేయాలని ముఖ్యమంత్రి భావిస్తున్నారు. హైకమాండ్ మాత్రం ఇందుకు అంగీకరించిందా? లేదా? అన్నది తెలియక రాకపోయినా పంచాయతీ ఎన్నికలు ముగిసిన తర్వాత మంత్రి వర్గ విస్తరణ చేపడితేనే రానున్న ఎన్నికలకు తన టీం ను సిద్ధం చేసుకోవాలన్నది రేవంత్ ఆలోచనగా ఉంది.

ఉన్న మంత్రివర్గంలో సభ్యులను అలాగే ఉంచి కేవలం ఖాళీగా ఉన్న మంత్రి పదవులను భర్తీ చేసినట్లయితే ఆశావహుల్లో మరింత నిరాశ ఎదురవుతుందని రేవంత్ రెడ్డితో పాటు రాష్ట్ర కాంగ్రెస్ ముఖ్య నేతల అభిప్రాయంగా కూడా ఉంది. ఖాళీగా ఉన్న మంత్రి పదవులు రెండింటితో పాటు మరో నలుగురిని అయినా తప్పించగలిగితే ఆరుగురికి కొత్త వారికి అవకాశం దక్కుతుందని, అప్పుడు ఎలాంటి అసంతృప్తులు ఉండవన్న అంచనాలో ఉన్నారు. కానీ హైకమాండ్ ఇంత వరకూ దీనిపై ఎలాంటి అనుమతి ఇవ్వలేదని తెలిసింది. కేసీ వేణుగోపాల్ తో చర్చించిన తర్వాత కూడా క్లారిటీ రానట్లే తెలిసింది. మరొకవైపు పంచాయతీ ఎన్నికల తర్వాత మాత్రం మంత్రి వర్గ విస్తరణ ఉంటుందన్న ప్రచారం బలంగా వినిపిస్తుండటంతో ఆశావహులు ఢిల్లీ బాట పట్టే అవకాశముంది. మరి మూడో దశ పంచాయతీ ఎన్నికలు ఈ నెల 17వ తేదీన జరగనున్నాయి. అయితే మంత్రి వర్గ విస్తరణ అనేది ఎప్పుడన్నది మాత్రం క్లారిటీ రాకపోవడానికి కారణం ఎవరు ఇన్.. ఎవరు అవుట్? అన్న దానిపై హైకమాండ్ గ్రీన్ సిగ్నల్ ఇవ్వకపోవడమే.