కవిత భర్తతో పాటు మరో ముగ్గురికి ఈడీ నోటీసులు

కల్వకుంట్ల కవితకు ఇప్పటికే ఏడు రోజుల కస్టడీకి రౌస్ అవెన్యూ కోర్టు అనుమతించింది. రేపటి నుంచి కవితను ఈడీ అధికారులు ఢిల్లీ లిక్కర్ స్కామ్ కేసులో విచారించనున్నారు. ఈ నేపథ్యంలో కవిత భర్తతో పాటు అసిస్టెంట్లు, పీఆర్వోకు కూడా నోటీసులు ఇవ్వడం ఇప్పుడు ప్రాధాన్యత సంతరించుకుంది. వీరితో కలిపి కవిత ఎదుటే విచారించే అవకాశాలున్నాయి. నిన్న కవిత ఇంటి నుంచి సెల్‌ఫోన్లను స్వాధీనం చేసుకున్న ఈడీ అధికారులు ఆ దిశగా విచారణ చేపట్టనున్నారని తెలిసింది.