తిరిగి తెరుచుకోనున్న పర్యాటక ప్రాంతాలు
జమ్మూకశ్మీర్లో పర్యాటక ప్రాంతాలు తిరిగి తెరుచుకోనున్నాయి
జమ్మూకశ్మీర్లో పర్యాటక ప్రాంతాలు తిరిగి తెరుచుకోనున్నాయి. పహల్గాం ఉగ్రదాడి తర్వాత పర్యాటక ప్రాంతాలను మూసివేస్తూ కేంద్ర ప్రభుత్వం నిర్ణయం తీసుకుంది. పహాల్గాం ఉగ్రదాడిలో దాదాపు ఇరవై ఆరు మంది మరణించిన నేపథ్యంలో ఆ ప్రాంతంలోని అన్ని పర్యాటక ప్రాంతాలను ప్రభుత్వం మూసివేస్తూ నిర్ణయం తీసుకుంది.
ఈ నెల 17 నుంచి...
అయితే ఇప్పుడు సాధారణ స్థితికి రావడంతో తిరిగి పర్యాటక ప్రాంతాలు తెరవాలని ప్రభుత్వం నిర్ణయించింది. జమ్మూకశ్మీర్లో తిరిగి ఎనిమిది పర్యాటక ప్రాంతాలు తెరుచుకోనున్నాయి. ఈ నెల 17 నుంచి పర్యాటకులకు అందుబాటులోకి బీటాబ్ వ్యాలీ, వెరినాగ్, కొకర్నాగ్, అచబల్ గార్డెన్స్ వంటి ప్రాంతాల్లోకి పర్యాటకులను అనుమతించనున్నారు.