Congress : నేడు కాంగ్రెస్ వర్కింగ్ కమిటీ సమావేశం

ఈరోజు కాంగ్రెస్ వర్కింగ్ కమిటీ సమావేశం బీహార్ రాష్ట్రంలోని పాట్నాలో జరగనుంది. ఏఐసీసీ అధ్యక్షుడు మల్లికార్జున ఖర్గే అధ్యక్షతన జరిగే ఈ సమావేశంలో పలు కీలక అంశాలపై చర్చించనున్నారు. బీహార్ ఎన్నికలు జరుగుతున్న నేపథ్యంలో నేడు పాట్నాలో సీడబ్ల్యూసీ సమావేశాన్ని ఏర్పాటు చేశారు. ఈ సమావేశంలో ప్రస్తుతం దేశంలో జరుగుతున్న రాజకీయ పరిణామాలతో పాటు కేంద్ర ప్రభుత్వం అనుసరిస్తున్న వైఖరిపైన, ఓట్ల తొలగింపుపై కూడా చర్చించే అవకాశముంది.