అయ్యప్ప దర్శనానికి అన్ని గంటలా!!

శబరిమల అయ్యప్ప స్వామి దర్శనం చేసుకోడానికి భక్తులు చాలా కష్టాలు పడుతూ ఉన్నారు. భక్తుల రద్దీ రోజు రోజుకు పెరిగిపోతూ ఉంది. ముఖ్యంగా తెలుగు రాష్ట్రాల నుండి భారీగా అయ్యప్ప మాలలు ధరించారు భక్తులు. పెద్ద ఎత్తున అయ్యప్ప స్వామి దర్శనానికి వెళుతూ ఉండడం.. కేరళ ప్రభుత్వం నిర్వహణకు సంబంధించి అన్ని విషయాలలోనూ చేతులు ఎత్తేయడంతో అయ్యప్ప భక్తుల రద్దీతో శబరిగిరులు కిక్కిరిసిపోయాయి. పంబ నుంచి శబరిమల వరకు అయ్యప్ప భక్తులతో భారీ క్యూ లైన్ ఏర్పడింది. ఎప్పుడు దర్శనం అవుతుందో తెలియని పరిస్థితి నెలకొంది. చాలా చోట్ల అధికారులు అయ్యప్ప భక్తుల్ని మధ్యలోనే నిలిపి వేస్తున్నారు. భక్తుల రద్దీని నియంత్రించేందుకు పోలీసులు ఏకంగా లాఠీఛార్జ్ చేస్తున్నారు.