బహిరంగ మార్కెట్లోకి కొవాగ్జిన్, కొవిషీల్డ్.. ధరలిలా ఉండొచ్చు!

తాజాగా బహిరంగ మార్కెట్లో ఈ రెండు టీకాల ధరలు ఖరారైనట్లు తెలుస్తోంది. ఒక్కో డోసు ధర రూ.275 వరకూ ఉండవచ్చని సమాచారం. సర్వీస్ ఛార్జీల రూపంలో మరో రూ.150 అదనంగా వసూలు చేయవచ్చని తెలుస్తోంది. ప్రస్తుతం ప్రైవేటు ఆస్పత్రుల్లో కొవాగ్జిన్ రూ.1200, కొవిషీల్డ్ రూ.780కి లభిస్తున్నాయి. ఇప్పటివరకూ ఆస్పత్రులకే పరిమితమైన ఈ రెండు టీకాలను.. బహిరంగ మార్కెట్లో అందరికీ అందుబాటులోకి తీసుకొచ్చేందుకు.. సదరు రెండు సంస్థలు డీసీజీఐకి దరఖాస్తు చేసుకున్నాయి. దరఖాస్తులను పరిశీలించిన కోవిడ్ -19 నిపుణుల కమిటీ షరతులతో కూడిన అనుమతులివ్వొచ్చని తెలిసింది. అయితే బహిరంగ మార్కెట్లో ఒక్కో డోసును ఎంత ధరకు విక్రయించాలన్నదానిపై నేషనల్ ఫార్మాస్యూటికల్ ప్రైసింగ్ అథారిటీ (ఎన్‌పీపీఏ) కసరత్తు ప్రారంభించింది.