Winter Solstice: నేడే శీతాకాలపు అయనాంతం.. అంటే ఏమిటో తెలుసా?

నేడు భారతదేశంలో సుదీర్ఘమైన రాత్రి, అతి తక్కువ పగటిపూట ఉండనుంది. ప్రతి ఏడాది డిసెంబర్ 21 లేదా డిసెంబరు 22న ఈ కాల పరివర్తన జరుగుతుంది. ఈ దృగ్విషయాన్నే ‘శీతాకాలపు అయనాంతం’ అని పిలుస్తారు. భూమి ఉత్తరార్ధగోళం సూర్యుడికి దూరంగా వంగినప్పుడు ‘శీతాకాలపు అయనాంతం’ ఏర్పడుతుంది. ఈ సమయంలో భూమి తన అక్షం మీద 23.4 డిగ్రీలు వంగుతుంది. ఈ కారణంగా భూమి ధ్రువం పగటిపూట సూర్యుడికి దూరంగా ఉంటుంది. అందుకే అతి తక్కువ పగలు ఉండనుంది. దీంతో సుదీర్ఘమైన రాత్రి ఏర్పడుతుంది. ఈ మార్పు కారణంగానే డిసెంబర్ 22 శుక్రవారం భారత కాలమానం ప్రకారం ఉదయం 8.57 గంటలకు శీతాకాలపు అయనాంతం సంభవించింది. ఫలితంగా ఉత్తరార్థ గోళంలో అతి తక్కువ పగటిపూట సంభవిస్తుంది. 7 గంటల 14 నిమిషాలు మాత్రమే పగటిపూట వెలుతురు ఉంటుంది.