గూగుల్ ని నమ్ముకుంటే కారు గాల్లో తేలింది!!

గూగుల్ మ్యాప్స్ దారి చూపిస్తాయి కదా అని గుడ్డిగా నమ్మేసి వెళితే ప్రమాదాలు తప్పవు. గతంలో పలువురు ప్రాణాలు కోల్పోయిన ఉదంతాలు కూడా ఉన్నాయి. మరి కొందరు తృటిలో తప్పించుకున్నారు.

తాజాగా ఉత్తరప్రదేశ్​ రాష్ట్రంలో గూగుల్ మ్యాప్స్ ను నమ్ముకుని వెళ్లి ఫ్లై ఓవర్ ఎక్కాక ఊహించని ప్రమాదం చోటు చేసుకుంది. లక్నో నుంచి ఓ వ్యక్తి గూగుల్​ మ్యాప్​ను ఫాలో అవుతూ కారులో వస్తున్నాడు. గూగుల్ మ్యాప్​ను అనుసరిస్తూ ఫరెందాలోని గోరఖ్‌పూర్-సోనౌలి జాతీయ రహదారిపై నిర్మాణంలో ఉన్న ఫ్లైఓవర్​పైకి కారును తీసుకెళ్లాడు. ఆకస్మాత్తుగా ముందు ఓ గొయ్యిని చూసి వెంటనే బ్రేక్​ వేశాడు. అంతే కారు గాల్లో వేలాడుతూ ఆగిపోయింది. ఈ ప్లైఓవర్​లో ఒక భాగం పూర్తిగా నిర్మించారు. మరోవైపు నిర్మాణం జరగలేదు. పైవంతెన చూడడానికి సాధారణ రహదారిలా కనిపిస్తుండడంతో పాపం ఆ కారు డ్రైవర్ అక్కడికి వచ్చేశాడు. సమాచారం అందించిన వెంటనే ఘటన స్థలానికి చేరుకున్నట్లు ఫరెందా పోలీసులు క్రేన్ సాయంతో ఆ కారును అక్కడి నుంచి తొలగించారు. కనీసం నో ఎంట్రీ బోర్డు కూడా లేకపోవడంపై ఈ ప్రమాదం జరిగిందని స్థానికులు ఆగ్రహం వ్యక్తం చేస్తున్నారు.