ఆ ఊళ్ళో ఒకేసారి 40 మంది గుండు చేయించుకున్నారు

వేరే కులానికి చెందిన వ్యక్తిని వివాహం చేసుకున్న తర్వాత ఒక మహిళ కుటుంబంలోని నలభై మంది కుటుంబ సభ్యులు గుండు చేయించుకున్నారు. కులాంతర వివాహం కారణంగా ఆ కుటుంబాన్ని బహిష్కరించారు. రాయగడ జిల్లాలోని కాశీపూర్ బ్లాక్‌లోని బైగనగూడ గ్రామంలో ఈ సంఘటన జరిగింది. షెడ్యూల్డ్ తెగ వర్గానికి చెందిన ఆ మహిళ ఇటీవల పొరుగు గ్రామానికి చెందిన షెడ్యూల్డ్ కులానికి చెందిన వ్యక్తిని వివాహం చేసుకుంది. ఈ వివాహం గ్రామస్తులలో ఆగ్రహాన్ని రేకెత్తించింది. దీంతో వారు ఆ కుటుంబాన్ని బహిష్కరించారు. ఆ మహిళ కుటుంబాన్ని తిరిగి సమాజంలోకి చేర్చుకోవాలనుకుంటే కొన్ని శుద్ధి కార్యక్రమాలను నిర్వహించాలని గ్రామస్తులు డిమాండ్ చేశారు. అందుకు అంగీకరించకపోతే, నిరవధిక సామాజిక బహిష్కరణ చేస్తామని గ్రామస్తులు కుటుంబాన్ని హెచ్చరించారు. దీంతో చివరికి గుండు కొట్టించుకోవాల్సి వచ్చింది.