ఫ్యాక్ట్ చెక్: భారత్ కు చెందిన టూరిస్టులను బహిష్కరించాలని టర్కీ నిర్ణయం తీసుకోలేదు, అది అబద్దం
భారత్-పాకిస్తాన్ దేశాల మధ్య ఇటీవల ఉద్రిక్త పరిస్థితులు తలెత్తిన సంగతి తెలిసిందే. తుర్కియే(టర్కీ) పాకిస్తాన్కు మద్దతుగా
By - Satya Priya BNUpdate: 2025-06-04 09:57 GMT
భారత్-పాకిస్తాన్ దేశాల మధ్య ఇటీవల ఉద్రిక్త పరిస్థితులు తలెత్తిన సంగతి తెలిసిందే. తుర్కియే(టర్కీ) పాకిస్తాన్కు మద్దతుగా నిలిచింది. ఈ వివాదంలో పాకిస్తాన్ తుర్కియే తయారు చేసిన డ్రోన్లను ఉపయోగించింది, ఇది ఉద్రిక్తతలకు మరింత ఆజ్యం పోసింది. టర్కీ పాకిస్తాన్కు రెండవ అతిపెద్ద ఆయుధ సరఫరాదారు, సన్నిహిత మిత్రదేశాలలో ఒకటి, కాశ్మీర్పై కూడా పాకిస్థాన్ కు మద్దతు ఇస్తూనే ఉంది. జమ్మూ కశ్మీర్లోని పహల్గామ్లో జరిగిన ఉగ్రవాద దాడిని మిగతా ప్రపంచం ఖండిస్తున్నప్పటికీ, అజర్బైజాన్ రిపబ్లిక్ విదేశాంగ మంత్రిత్వ శాఖ, టర్కిష్ విదేశాంగ మంత్రిత్వ శాఖ పాకిస్తాన్లో భారత్ చేసిన సైనిక దాడిని బహిరంగంగా విమర్శించాయి. దీనితో భారతదేశం, తుర్కియే మధ్య ఉద్రిక్తతలు ప్రారంభమయ్యాయి. #boycottturkey #boycottAzerbaijan వంటి హ్యాష్ట్యాగ్లతో ఆన్లైన్ లో నిరసన ప్రారంభమైంది. వందలాది మంది భారతీయ ప్రయాణికులు తుర్కియే, అజర్బైజాన్లను సందర్శించడాన్ని రద్దు చేసుకున్నారు. తమ పర్యటన ప్రణాళికలను రద్దు చేసుకున్నారు. అవసరమైతే తప్ప ఈ రెండు దేశాలకు ప్రయాణాన్ని పరిమితం చేయాలనే సూచనలు, సలహాలు కూడా జారీ అయ్యాయి.
టర్కీ భారత పర్యాటకులందరినీ దేశం నుండి బహిష్కరించాలని యోచిస్తున్నట్లు చెబుతున్న ఒక సందేశం X వంటి సోషల్ మీడియా ప్లాట్ఫామ్లలో వైరల్ అవుతోంది. కొంతమంది వినియోగదారులు దీనిని భారత, టర్కీ జెండాల చిత్రాలతో పాటు పంచుకున్నారు. "టర్కీ భారత పర్యాటకులందరినీ దేశం నుండి బహిష్కరించాలని యోచిస్తోంది. భారతదేశం, టర్కీ రెండూ అన్ని రకాల సంబంధాలను బహిష్కరించే పరిస్థితుల్లో ఉన్నాయి" అని షేర్ చేసిన శీర్షిక ఉంది.
వైరల్ పోస్టు ఆర్కైవ్ లింక్ ను ఇక్కడ చూడొచ్చు.
ఫ్యాక్ట్ చెక్:
వైరల్ అవుతున్న వాదన నిజం కాదు. టర్కీ భారత పర్యాటకులను బహిష్కరిస్తున్నట్లు ఎటువంటి ప్రకటన చేయలేదు. మేము కీలకపదాలను ఉపయోగించి శోధించినప్పుడు, టర్కీ ప్రభుత్వం చేసిన అటువంటి ప్రకటన ఏదీ మాకు కనిపించలేదు.
భారతీయ పర్యాటకులు ఆ దేశాన్ని బహిష్కరించాలంటూ ప్రతిపాదన చేసిన తర్వాత, వేసవి ప్రయాణ రిజర్వేషన్లలో 300% తగ్గుదల నమోదైందని నివేదించబడింది. దాదాపు 200,000 మంది భారతీయ పర్యాటకులు తమ ప్రయాణాలను రద్దు చేసుకున్నారు, వీటిలో టర్కీలోని అగ్రశ్రేణి ప్రదేశాలలో భారతీయ బిలియనీర్ల అనేక హై-ఎండ్ వివాహ సంబంధ ఈవెంట్లు కూడా ఉన్నాయి. ఇది టర్కీ ఆర్థిక వ్యవస్థను ప్రతికూలంగా ప్రభావితం చేస్తోంది.
మేము
విదేశాంగ మంత్రిత్వ శాఖతో సహా టర్కీ ప్రభుత్వ సోషల్ మీడియా హ్యాండిల్స్లో సంబంధిత సమాచారం కోసం వెతికినప్పుడు, మాకు అలాంటి ప్రకటనలు ఏవీ కనిపించలేదు. విదేశాంగ మంత్రిత్వ శాఖ ప్రెస్ రిలీజ్ విభాగంలో తాజా ప్రకటనల కోసం మేము వెతికినప్పుడు తాజా ప్రెస్ రిలీజ్ మే 31, 2025న ప్రచురించారని మేము కనుగొన్నాము. ఇది నైజీరియాలో వరదలకు సంబంధించినది.
భారతదేశం- పాకిస్తాన్ మధ్య ఉద్రిక్తతల గురించి చివరి ప్రకటన
మే 7, 2025 న వచ్చింది.
టర్కీ విదేశాంగ మంత్రిత్వ శాఖ X హ్యాండిల్లో ఇదే ప్రకటనను ప్రచురించారు.
ఆ ఖాతా నుండి వచ్చిన తాజా ట్వీట్ భారతదేశానికి లేదా భారతీయ పర్యాటకులకు సంబంధించినది కాదు.
మేము
పర్యాటక మంత్రిత్వ శాఖ (Ministry of culture and Tourism) కి సంబంధించిన వార్తలు, ప్రకటన విభాగాన్ని కూడా తనిఖీ చేసాము, అక్కడ కూడా మాకు అలాంటి ప్రకటన ఏదీ కనిపించలేదు. టర్కీకి చెందిన ప్రభుత్వ సంస్థ లేదా వెబ్సైట్ ఏదీ అలాంటి ప్రకటనను పంచుకోలేదు.
టర్కీ పాకిస్తాన్కు బహిరంగంగా మద్దతు ఇచ్చిన తర్వాత ఇటీవల రెండు దేశాల మధ్య ఉద్రిక్తతలు పెరిగాయి, దీని ఫలితంగా భారత పర్యాటకులు బహిష్కరణకు పిలుపునిచ్చారు. పెద్ద ఎత్తున పర్యటనల రద్దు కూడా జరిగింది. అయితే, భారతదేశం నుండి వచ్చే పర్యాటకులను నిషేధిస్తూ టర్కీ ప్రతిస్పందించినట్లు ఎటువంటి ఆధారాలు లేవు. వైరల్ అవుతున్న వాదన నిజం కాదు.
Claim : భారత్ కు చెందిన టూరిస్టులను బహిష్కరించాలని టర్కీ నిర్ణయం తీసుకుంది
Claimed By : X (Twitter) users
Fact Check : Unknown