ఫ్యాక్ట్ చెక్: ఆంధ్రప్రదేశ్‌లోని ఒక పొలంలో మనిషి ఆకారంలో చిలగడదుంపలు పెరిగాయి అనేది నిజం కాదు

మనిషి ఆకారంలో చేతులు పట్టుకుని ఉన్న రెండు చిలగడదుంపలను చూపించే ఒక చిత్రం సోషల్ మీడియాలో వైరల్ అవుతోంది, ఆ చిలగడదుంపలను ఆంధ్రప్రదేశ్‌లోని అల్లూరి సీతారామరాజు జిల్లా చింతపల్లి మండలం చౌడుపల్లి గ్రామంలో పండించారని, చుట్టుపక్కల ప్రాంతాల ప్రజలందరూ ఈ చిలగడదుంపలను చూడటానికి వస్తున్నారని ప్రచారం చేస్తున్నారు.

“అల్లూరి జిల్లాలో అద్భుతం – మానవ రూపంలో తియ్యదుంపలు. అల్లూరి సీతారామరాజు జిల్లా చింతపల్లి మండలం చౌడుపల్లి గ్రామంలో ఒక విశేషం చోటుచేసుకుంది. రైతు పొలంలో పండిన తియ్యదుంపలు (చిలకడదుంపలు) మానవ రూపాన్ని పోలి ఉండటం స్థానికులను ఆశ్చర్యానికి గురి చేసింది. గ్రామస్తులు ఆసక్తిగా వీటిని చూడటానికి తరలివస్తున్నారు. కొందరు ఇవి సహజ ప్రకృతి అద్భుతమని భావిస్తే, మరికొందరు దీన్ని దేవుని సంకేతంగా భావిస్తున్నారు. రైతు కుటుంబం కూడా ఇంతకు ముందెన్నడూ ఇలాంటివి తమ పొలంలో పండలేదని చెబుతోంది. తియ్యదుంపలు మానవ ముఖం, చేతులు, కాళ్ల ఆకృతుల్లా కనిపించడం గ్రామంలో చర్చనీయాంశంగా మారింది.” అంటూ పలువురు పోస్టులు పెట్టారు.

వైరల్ ఫోటోకు సంబంధించిన స్క్రీన్ షాట్ ను ఇక్కడ చూడొచ్చు.

వైరల్ అవుతున్న వాదన నిజం కాదు. వైరల్ చిత్రాన్ని AI ద్వారా రూపొందించారు.

యూట్యూబ్‌లో అప్లోడ్ చేసిన వైరల్ వీడియోను మేము తనిఖీ చేసినప్పుడు, వీడియో వివరణలో ఎడిట్ చేసిన లేదా సింథటిక్ కంటెంట్ అని పేర్కొన్నట్లు కనుగొన్నాము. వీడియోకు సంబంధించిన స్క్రీన్‌షాట్ ఇక్కడ ఉంది..