ఫ్యాక్ట్ చెక్: లేదు, ప్రధాని నరేంద్ర మోదీ లెన్స్ లు మూసేసి చీతాల ఫోటోలు తీయలేదు

ఇంతలో.. లెన్స్ మూసి ఉన్న కెమెరాను ప్రధాని మోదీ ఉపయోగిస్తూ ఉన్నారని.. లెన్స్ మూసి ఉండగానే ఫోటోలను క్లిక్ చేస్తున్న చిత్రం సోషల్ మీడియాలో రౌండ్లు చేయడం ప్రారంభించింది. వినియోగదారులు ప్రధాని నరేంద్ర మోదీని ఎగతాళి చేయడం ప్రారంభించారు.

"There is only one man in the world, Modi ji, who can use this locked camera and take pictures as well." అంటూ పోస్టులు పెట్టడం గమనించవచ్చు. లెన్స్ మూసి ఉన్నా ఫోటోలను తీయగలిగే ఏకైక వ్యక్తి మోదీజీ అంటూ పోస్టులు పెట్టడం మీరు గమనించవచ్చు.

ఇంటర్నెట్ వినియోగదారులు వ్యంగ్యంగా వివిధ క్యాప్షన్లు ఇచ్చారు.

ప్రతిపక్షాలకు సంబంధించిన పలువురు నేతలు కూడా దీనిపై స్పందించి.. సెటైర్లు వేశారు.

ఫ్యాక్ట్ చెకింగ్:

లెన్స్ మూసి ఉన్న డీఎస్ఎల్ఆర్ కెమెరాతో ప్రధాని నరేంద్ర మోదీ ఫోటోలు తీశారనే పోస్టుల్లో ఎటువంటి నిజం లేదు.

ప్రధాని మోదీ ఉపయోగించిన కెమెరా Nikon కాగా.. లెన్స్ క్యాప్ మీద Canon అని ఉండడం మనం గమనించవచ్చు.

మేము "Modi releasing cheetahs" అనే కీవర్డ్‌లతో పాటు Google రివర్స్ ఇమేజ్ సెర్చ్‌ని ఉపయోగించి వైరల్ ఇమేజ్‌ని సెర్చ్ చేశాం. వివిధ మీడియా సంస్థలు షేర్ చేసిన చిత్రాలను మేము కనుగొన్నాము. పిఐబి ఇండియా ఇన్‌స్టాగ్రామ్ ఖాతా ద్వారా భాగస్వామ్యం చేయబడిన చిత్రం మీరు చూడవచ్చు.

చిరుతల చిత్రాలను క్లిక్ చేస్తున్న మోదీకి సంబంధించిన ఫోటోలను షేర్ చేసిన ఆల్ ఇండియా రేడియో ట్వీట్ ను కూడా మేము గమనించాం. కెమెరా లెన్స్ మూత తెరిచినట్లు చిత్రం స్పష్టంగా చూపిస్తుంది.

పలు మీడియా సంస్థల్లో వచ్చిన ప్రధాని మోదీకి సంబంధించిన ఫోటోలలో లెన్స్ క్యాప్ తెరిచే ఉంది. కేవలం ఫోటోను మార్ఫింగ్ చేశారని గుర్తించాం.

వైరల్ చిత్రం మార్ఫింగ్ చేయబడింది. కెమెరా లెన్స్ క్యాప్ మూసి చిరుతల చిత్రాలను ప్రధాని మోదీ తీయలేదని మేము గుర్తించాం.