ఫ్యాక్ట్ చెక్: పార్లమెంటు సమావేశాల సమయంలో ప్రధాని విదేశాలకు వెళ్లడాన్ని ఎంపీ అరుణ్ గోవిల్ విమర్శించారనేది అబద్దం
పార్లమెంటు వర్షాకాల సమావేశాలు జూలై 21, 2025న ప్రారంభమై ఆగస్టు 21, 2025 వరకు కొనసాగనున్నాయి. ఆగస్టు 12 నుండి ఆగస్టు 18
Arun Govil criticises opposition
పార్లమెంటు వర్షాకాల సమావేశాలు జూలై 21, 2025న ప్రారంభమై ఆగస్టు 21, 2025 వరకు కొనసాగనున్నాయి. ఆగస్టు 12 నుండి ఆగస్టు 18 వరకు విరామం ఉంటుంది. వర్షాకాల సమావేశాల మొదటి రోజున, INDI కూటమి వివిధ అంశాల కోసం NDA ప్రభుత్వాన్ని విమర్శించింది. జూలై 23 నుండి జూలై 26, 2025 వరకు UK, మాల్దీవులకు పర్యటనలను షెడ్యూల్ చేసినందుకు, ఆ రోజుల్లో పార్లమెంటు సమావేశాలకు ప్రధాని నరేంద్ర మోదీ హాజరు కాకపోవడంపై అనేక మంది కాంగ్రెస్ ఎంపీలు ఆయన్ను విమర్శించారు. మోదీని విమర్శించిన వారిలో కాంగ్రెస్ ఎంపీలు జయరామ్ రమేష్, ప్రమోద్ తివారీ ఉన్నారు. జూలై 2025లో, భారత ప్రధానమంత్రి జూలై 2 నుండి జూలై 9, 2025 వరకు ఘనా, ట్రినిడాడ్ అండ్ టొబాగో, అర్జెంటీనా, బ్రెజిల్, నమీబియా వంటి దేశాలను సందర్శించారు. ఆ తర్వాత యునైటెడ్ కింగ్డమ్, మాల్దీవులను సందర్శించారు.
ఈ సందర్భంలో, బీజేపీ మీరట్ ఎంపీ అరుణ్ గోవిల్ హిందీలో మాట్లాడుతున్నట్లు చూపించే వీడియో సోషల్ మీడియాలో వైరల్ అవుతోంది. పార్లమెంటు సమావేశాల సమయంలో ప్రధాని మోదీ విదేశాలకు వెళ్లడాన్ని ఆయన విమర్శిస్తున్నారని ఆరోపిస్తున్నారు. గోవిల్ వ్యాఖ్యలకు సంబంధించిన వీడియోను భారత ప్రధాని నరేంద్ర మోదీ విమానం ఎక్కడం చూపిస్తున్న మరొక వీడియోతో జత చేశారు.
The caption on the video in hindi goes as “संसद शुरू हुई और देश का सबसे बड़ा 'ज़िम्मेदार' विदेश भाग गया! अरुण गोविल भी अब सवाल उठा रहे हैं राम का किरदार निभाने वाला अब रावण की चाल को पहचान रहा है! #Parliament #ArunGovil”. అంటూ హిందీలో పోస్టులు పెట్టారు. "పార్లమెంట్ సమావేశాలు ప్రారంభమయ్యాయి, ఇలాంటి సమయంలో దేశంలోనే ఎక్కువ బాధ్యతలు ఉన్న వ్యక్తి విదేశాలకు పారిపోయాడు! అరుణ్ గోవిల్ ఇప్పుడు ప్రశ్నలు లేవనెత్తుతున్నారు." అని ఆ పోస్టుల్లో ఉంది. వీడియోలో, “వారిని ఇక్కడికి ఎన్నుకుని పంపిన వారికి ఎలాంటి సమాధానం చెబుతారు? ఓటర్లు వారిని ఎన్నుకుని ఇక్కడికి పంపించింది ఇదంతా చేయడానికేనా? ఇది ఎంత సిగ్గుచేటు, పార్లమెంటును నడపడానికి చాలా ఖర్చవుతుంది, కానీ వారు దాని గురించి కూడా పట్టించుకోరు, వారు దేశం గురించి ఏమీ పట్టించుకోరు.” అని చెప్పడం వినవచ్చు.
ఫ్యాక్ట్ చెక్:
వైరల్ అవుతున్న వాదన తప్పుదారి పట్టిస్తోంది. పార్లమెంట్ సమావేశాల సమయంలో ప్రధాని మోదీ విదేశాలకు వెళ్లడాన్ని బీజేపీ ఎంపీ అరుణ్ గోవిల్ తప్పుబట్టలేదు. ఆయన ప్రతిపక్ష నాయకులపై ఈ వ్యాఖ్యలు చేశారు. వైరల్ వీడియో నుండి కీఫ్రేమ్లను సంగ్రహించి, రివర్స్ ఇమేజ్ సెర్చ్ చేయగా, ఆ వీడియో జూలై నాటిదని, పార్లమెంటు సభ్యుడి వ్యాఖ్యలు తప్పుగా ఉపయోగిస్తున్నారని మేము కనుగొన్నాము.
ANHindinews కు సంబంధించి X హ్యాండిల్ ద్వారా షేర్ చేసిన నిడివి ఎక్కువ ఉన్న వీడియోను మేము కనుగొన్నాము, దీనిలో ఆయన ‘ఇది ప్రతిపక్షాల చాలా చెడ్డ వైఖరి, పార్లమెంటును నడపడానికి ఎంత ఖర్చవుతుందో వారు పట్టించుకోరు, ప్రభుత్వం ఇప్పటికే ప్రతి అంశంపై చర్చించడానికి సిద్ధంగా ఉందని చెప్పింది కానీ ప్రతిపక్షాలు చర్చించడానికి ఇష్టపడడం లేదు, వారు కేవలం అల్లరి చేయాలనుకుంటున్నారు,’ అని చెప్పడం మనం వినవచ్చు.
ANI హిందీ వెర్షన్ అయిన AHindinews షేర్ చేసిన వీడియోలో ANI లోగోను మనం చూడవచ్చు. దీని ఆధారంగా, ANI X హ్యాండిల్లో వీడియో కోసం వెతికినప్పుడు, ఆ వీడియో జూలై 23, 2025న “#WATCH Delhi: BJP MP Arun Govil says, "This is a very bad attitude of the opposition...they don't care about how much it costs to run Parliament...the government has already said it is ready to discuss every issue, but the opposition doesn't want to discuss, they just want to make noise which is very shameful..." అనే శీర్షికతో అప్లోడ్ చేశారని మేము కనుగొన్నాము.
‘‘BJP MP Arun Govil Slams Opposition for Disrupting Parliament | Govt Ready for Discussion’’ అనే శీర్షికతో జూలై 23, 2025న ఎన్బిసి ఆవాజ్లో అప్లోడ్ చేసిన వీడియోను కూడా మేము కనుగొన్నాము.
అందువల్ల, బీజేపీ ఎంపి అరుణ్ గోవిల్ ప్రతిపక్షాలను విమర్శిస్తున్న వీడియోకు సంబంధించిన ఎడిటెడ్ వీడియోను తప్పుదారి పట్టించే వాదనలతో ప్రచారం చేస్తున్నారు. పార్లమెంట్ సమావేశాలు జరుగుతున్నప్పుడు ప్రధాని మోదీ విదేశాలకు వెళ్లడాన్ని అరుణ్ గోవిల్ తప్పుబట్టలేదు. పార్లమెంటు సమావేశాలు సరిగ్గా జరగకుండా, ప్రజల సమస్యలను పరిష్కరించకుండా ప్రవర్తిస్తున్న ప్రతిపక్ష నాయకులను ఆయన నిందించారు. వైరల్ అవుతున్న వాదన తప్పుదారి పట్టిస్తోంది.
Claim : పార్లమెంటు సమావేశాల సమయంలో భారత ప్రధాని మోదీ విదేశాలకు వెళ్లడాన్ని బీజేపీ ఎంపీ అరుణ్ గోవిల్ విమర్శించారు
Claimed By : Social media users
Fact Check : Unknown