Tirumala : తిరుమలకు నేడు వెళ్లే వారు గంటల కొద్దీ వెయిట్ చేయాల్సిందేనా?

మరొకవైపు చలి ఎక్కువగా ఉండటం, పొగమంచు దట్టంగా అలుముకుంటుండటంతో ఘాట్ రోడ్డులో ప్రయాణించే భక్తులు తగిన జాగ్రత్తలు పాటించాలని టీటీడీ అధికారులు సూచిస్తున్నారు. నిర్దేశించిన వేగంతోనే లైట్లు వేసుకుని సొంత వాహనాల్లో వచ్చే వారికి తిరుమల తిరుపతి దేవస్థానం అధికారులు విజ్ఞప్తి చేశారు. ప్రమాదాలు జరిగే సమయం ఉదయం వేళ తగిన జాగ్రత్తలు పాటించాలని కోరుతున్నారు. మరొకవైపు నేడు తిరుమలలో వసతి గృహాల దొరకడానికి కూడా భక్తుల చాలా సేపు వేచి ఉండాల్సి వస్తుంది.

ఈరోజు తిరుమలలోని వైకుంఠం క్యూ కాంప్లెక్స్ లోని ఇరవై ఏడు కంపార్ట్ మెంట్లలో భక్తులు శ్రీవారి దర్శనం కోసం వేచి చూస్తున్నారు. సర్వ దర్శనం క్యూ లైన్ లోకి ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం పన్నెండు గంటలకు పైగానే సమయం పడుతుందని తిరుమల తిరుపతి దేవస్థానం అధికారులు వెల్లడించారు. టైమ్ స్లాట్ దర్శనం భక్తులకు ఆరు గంటల సమయం పడుతుంది. మూడు వందల రూపాయల ప్రత్యేక దర్శనం టిక్కెట్లను కొనుగోలు చేసిన భక్తులకు మూడు గంటల సమయం పడుతుంది. నిన్న తిరుమల శ్రీవారిని 66,389 మంది దర్శించుకున్నారు. వీరిలో 24,956 మంది భక్తులు తమ తలనీలాలను సమర్పించుకుని మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.81 వచ్చిందని అధికారుల వెల్లడించారు.