BiggBoss 6 Day 58 : బాగా ఏడ్చిన బాలాదిత్య, ఇనయ.. సిగరెట్ కోసం గీతూని అనరాని మాటలన్న ఆదిత్య

బిగ్ బాస్ సీజన్ 6.. 8వ వారం నుంచి ఆట రసవత్తరంగా సాగుతోంది. ఈ సీజన్ కు రేటింగ్ రాకపోవడానికి లీకులు ఒక కారణమైతే.. కంటెస్టంట్స్ ఆటతీరు పేలవంగా ఉండటం మరో మైనస్ అనడంలో సందేహం లేదు. గతవారం నుండి బిగ్ బాస్ 6 లీకులు కాస్త తగ్గాయి. అలాగే హౌస్ మేట్స్ కూడా ఎవరికి వారు ఆడుతున్నారు. గతవారం సూర్య ఎలిమినేట్ అవడంతో.. నువ్వే వెన్నుపోటు పొడిచావ్ అంటూ ఇనయను చాలా మంది టార్గెట్ చేసి మరీ నామినేట్ చేయడం తెలిసిందే. అది తట్టుకోలేని ఇనయ బాత్రూమ్ లోకి వెళ్లి బోరుమంది. బిగ్‌బాస్ కన్ఫెషన్ రూమ్‌కి పిలిచి ఆమెతో మాట్లాడారు. 'ఇక్కడికి రావడం వరకే మీ ఇష్టం, ఇంట్లోంచి పంపించడం అనేది ప్రేక్షకుల మీద ఆధారపడి ఉంటుంది' అని చెప్పి పంపించారు.