AP BJP : తిరుమల లడ్డూ వివాదంలో బీజేపీ నేతలు పెదవి విప్పడం లేదే.. ఏమైంది చెప్మా?

తిరుమల లడ్డూ వ్యవహారం ఆంధ్రప్రదేశ్ రాజకీయాలను కుదిపేస్తుంది. ఇప్పట్లో ఆగేట్లు కనిపించడం లేదు. తిరుమల లడ్డూను కల్తీ నెయ్యితో తయారు చేశారని, మహాపరాధం చేశారని అధికారపార్టీ అంటుంది. కానీ సీబీఐ సిట్ మాత్రం అవేవీ తేల్చకుండానే ఎలా చెబుతారంటూ వైసీపీ నేతలు ప్రశ్నిస్తున్నారు. అయితే కూటమిలో మిత్రపక్షమైన బీజేపీ మాత్రం తిరుమల లడ్డూ వ్యవహారంలో తొలి నుంచి నోరు మెదపడం లేదు. ఒకరకంగా హిందుత్వ పార్టీగా ముద్రపడిన బీజేపీ ఈ మౌనం ఎందుకు పాటిస్తుందన్నది కూటమిలో ఉన్న టీడీపీ, జనసేనలకు కూడా అర్థం కావడం లేదు. గతంలో ఎక్కడ ఆలయంలో ఏ చిన్న ఘటన జరిగినా వెంటనే స్పందించే బీజేపీ రాష్ట్ర నేతలు ఇప్పుడు తిరుమలేశుడి ప్రసాదం వివాదం జరుగుతున్నా పెదవి విప్పడం లేదు.