Chandrababu : వైసీపీ ట్రాప్ లో పడొద్దు : చంద్రబాబు

ఏపీలో జరిగే అభివృద్ధి వైసీపీకి నచ్చడం లేదని, అందుకే కుట్రలకు పాల్పడుతున్నారని ముఖ్యమంత్రి చంద్రబాబు అన్నారు. మంత్రులు, సీనియర్ నేతలతో చంద్రబాబు టెలికాన్ఫరెన్స్ నిర్వహించారు. వైసీపీ ట్రాప్ లో టీడీపీ నేతలు పడవద్దని కోరారు. వైసీపీ నేతలు తమ వ్యాఖ్యలతో లా అండ్ ఆర్డర్ సమస్యను సృష్టిస్తున్నారని అన్నారు. రాష్ట్రంలో హింసను ప్రేరేపించేందుకే వైసీపీ ఈ రకమైన విధానాలకు దిగుతుందని చంద్రబాబు అన్నారు. టీడీపీ కార్యకర్తలు సంయమనం కోల్పోకుండా వారిని నియంత్రించాల్సిన బాధ్యత మంత్రులు, సీనియర్ నేతలపై ఉందని చంద్రబాబు అన్నారు.