నేడు భారత్ బంద్.. రెండు తెలుగు రాష్ట్రాల్లో

నేడు భారత్ బంద్ రెండు తెలుగు రాష్ట్రాల్లో జరగనుంది. వ్యవసాయ చట్టాలకు వ్యతిరేకంగా భారత్ బంద్ కు కార్మిక సంఘాలు పిలుపు నిచ్చాయి. అయితే ఆంధ్రప్రదేశ్ లో మాత్రం విశాఖ స్టీల్ ప్లాంట్ ప్రయివేటీకరణకు వ్యతిరేకంగా బంద్ జరుగుతుంది. ఈ బంద్ కు అధికార వైసీపీ కూడా మద్దతిచ్చింది. విపక్ష తెలుగుదేశం పార్టీ కూడా భారత్ బంద్ విజయవంతం కావాలని పిలుపునిచ్చింది. ఈ నేపథ్యంలో ఏపీలో బంద్ పూర్తిగా విజయవంతమయ్యే అవకాశాలు కన్పిస్తున్నాయి.