Chiranjeevi : చిరు చేసిన వ్యాఖ్యలు పవన్ ను ఇబ్బంది పెట్టాయా?

అయితే ఇది సోషల్ మీడియాలో పెద్దయెత్తున ట్రోల్ అవుతున్నాయి. సినిమా లాభాలన్నీ ఆంధ్రప్రదేశ్ నుంచి మాత్రమే వస్తున్నాయని, అయితే అక్కడ కనీసం సినిమా షూటింగ్ లను నిర్వహించడం కాని, ఏపీలో సినీ పరిశ్రమ అభివృద్ధికి పాటుపడటం చేయకపోవడం ఏంటని సినీ పెద్దలనే టార్గెట్ చేస్తూ ట్రోలింగ్ కు దిగుతున్నారు. అత్యధిక రాబడి ఏపీ నుంచి వస్తున్నప్పటికీ అక్కడ షూటింగ్ లు చేయకోవడంతో పాటు ఏపీ లో కనీసం థియేటర్లను కూడా నిర్మించే పరిస్థితి లేదని, స్టూడియోల నిర్మాణానికి కూడా పూనుకోలేదని అంటున్నారు.

మరొకవైపు పవన్ కల్యాణ్ దాదాపు ఏడాది క్రితం ఏపీ ఫిలిం డెవలెప్ మెంట్ కార్పొరేషన్ ఛైర్మన్ పదవికి ఏ ఎం రత్నం పేరును సిఫార్సు చేస్తానని బహిరంగంగా ప్రకటించారు. అయితే ఇప్పటి వరకూ అది అమలుకు నోచుకోలేదు. మరొకవైపు పవన్ కల్యాణ్ తో పాటు ఎమ్మెల్యేగా, ప్రభుత్వంలోనూ నందమూరి బాలకృష్ణ కూడా కీలకంగా ఉన్నారని, ఇంత వరకూ సినీ పెద్దలు ముఖ్యమంత్రి చంద్రబాబును కలవకపోవడం ఏంటన్న ప్రశ్నలు కూడా వినిపిస్తున్నాయి. నంది అవార్డులే కాదు... అక్కడ ఫిలిం డెవలెప్ మెంట్ కార్పొరేషన్ ఛైర్మన్ పదవి కూడా భర్తీ చేయలేదు. దీంతో చిరంజీవి చేసిన వ్యాఖ్యలు ఎవరికి సూటిగా తగులుతాయని అనుకుంటే... మాత్రం అందరికీ అంటున్నారు విశ్లేషకులు. ఎవరి అభిమానులు వారు తమకు అనుకూలంగా పోస్టుల పెడుతున్నారు.