మూడు లక్షలతో ఇల్లు.. తెలంగాణ యువ ఇంజనీర్ టాప్ ఐడియా

హాంకాంగ్ లో పాపులర్ అయిన 'OPods'ని మన దగ్గరకు తీసుకుని వచ్చింది. 'OPod Tube Houses' అనేది హాంకాంగ్‌లోని జేమ్స్ లా సైబర్‌టెక్చర్ సృష్టించిన తక్కువ- ధరతో కూడుకున్న గృహాలు. అందుకే ఈ ఓ పాడ్స్ భారత్ లోని ప్రజలకు తప్పకుండా సరిపోతాయని మానస రెడ్డి భావించింది. సిమెంటు పైపు ఈ ఇళ్లను నిర్మిస్తారు. అది కూడా అతి తక్కువ సమయం తీసుకుంటుందట.. వీటిని నిర్మించడానికి..! ఓపాడ్‌ లో ఒక బెడ్‌రూమ్, కిచెన్, హాల్, వాష్‌రూమ్‌లు ఉంటాయి. వస్తువులను పెట్టుకునేందుకు అల్మారాలు, ఎలక్ట్రిసిటీ, వాటర్, డ్రైనేజీ సదుపాయాలు ఉంటాయి. పైపు పైన బాల్కనీ కూడా ఉంది. ఈ ఇంటిలో ఒకరు లేదా ఇద్దరు సౌకర్యంగా జీవించవచ్చు. ఇండియాలోనే తొలిసారి నిర్మించే ఈ ఓపాడ్‌ ఇళ్లు 40 నుంచి 120 చదరపు అడుగుల విస్తీర్ణంలో ఉంటాయి. 15 రోజుల్లో మొత్తం ఇంటిని రూపొందించవచ్చని మానస రెడ్డి తెలిపింది.

అవసరానికి అనుగుణంగా వాటి పరిమాణాన్ని పెంచడం, తగ్గించడం చేసుకోవచ్చు. తెలంగాణలోని ప్రముఖ తయారీదారుల నుండి పైపులను సేకరించారు. వృత్తాకారంలో ఉన్నప్పటికీ, ముగ్గురు సభ్యుల కుటుంబానికి సరిపోయేంత విశాలంగా ఉంటాయని.. వినియోగదారు అవసరాలను బట్టి 1BHK, 2BHK లేదా 3BHKగా కూడా నిర్మించవచ్చని మానస చెప్పుకొచ్చింది. అన్ని వాతావరణ పరిస్థితుల్లో అటూ ఇటూ కదపగల ఈ ఇళ్ల జీవిత కాలం వందేళ్లు అని, ఒక్కో ఇంటి నిర్మాణానికి రూ.3 లక్షల నుంచి రూ.8 లక్షల వరకు ఖర్చవుతుందని మానస చెప్పింది.

బొమ్మకల్‌ గ్రామంలో నిరుపేద కుటుంబంలో జన్మించిన మానస.. మూడో తరగతి చదువుతున్న సమయంలో తండ్రిని కోల్పోయింది. ఆమె చెల్లిని తల్లి ఎంతో కష్టపడి పెంచింది. 'లవ్లీ ప్రొఫెషనల్‌ యూనివర్సిటీ'లో సివిల్‌ ఇంజనీరింగ్‌లో బి.టెక్‌ పూర్తిచేసింది. ఇంజినీరింగ్‌ అయిన తరువాత ఆరు నెలలపాటు కొత్త కొత్త ఇళ్ల నిర్మాణ నమూనాలపై ఆమె పరిశోధనలు చేసింది. 'సామ్నవి కన్‌స్ట్రక్షన్స్' పేరుతో స్టార్టప్‌ను కూడా ప్రారంభించింది. దేశవ్యాప్తంగా తక్కువ-ధర గృహాలను నిర్మించాలని భావిస్తోంది.

బొమ్మకల్ అనే చిన్న గ్రామంలో పుట్టి పెరిగిన మానస తెలంగాణ సోషల్ వెల్ఫేర్ రెసిడెన్షియల్ ఎడ్యుకేషన్ సొసైటీలో పాఠశాల విద్యను పూర్తి చేసింది. ఉన్నత పాఠశాల గ్రాడ్యుయేషన్ తర్వాత ఆమె LPU లో సివిల్ ఇంజనీరింగ్ అభ్యసించడానికి వెళ్ళింది. తెలంగాణలోని స్లమ్ ఏరియాల్లో సామాజిక సేవ చేసిన అనుభవం సివిల్ ఇంజినీరింగ్‌ను ఎంచుకోవడంలో పాత్ర పోషించిందని మానస చెప్పింది. చాలా కుటుంబాలు రేకుల షెడ్లు, ప్లాస్టిక్ తో చేసిన కవర్‌లతో చేసిన తాత్కాలిక ఇళ్లలో నివసించడం చూశాను. కొందరు వెదురుతో చేసిన ఇళ్లల్లో, షిప్పింగ్ కంటైనర్లతో తయారు చేసిన ఇళ్లలో నివసిస్తున్నారు. ఇక్కడ ఉన్న అన్ని కుటుంబాల మధ్య ఒక విషయం కామన్ అని.. వారు వలస కార్మికులు కావడంతో ఈ ఇళ్లలో ఒక సంవత్సరం కంటే ఎక్కువ కాలం నివసించరని మానస గుర్తించింది. వేసవిలో ఆ తరహా ఇల్లు చాలా వేడిగా ఉంటాయి కాబట్టి వారు ఈ ఇళ్లను ఖాళీ చేస్తారు.. లేదా వర్షాకాలంలో వరదల కారణంగా అక్కడ ఉండాలని అనుకోరు. ఈ సమస్యలను గమనించినప్పటికీ, పరిష్కారం కోసం వెతికే అవకాశం ఆమెకు ఎప్పుడూ లభించలేదు. మార్చి 2020లో ఆమె ఇంటి నుండి ఇంజనీరింగ్ చివరి సంవత్సరం చదువుతున్నప్పుడు ఈ సమస్యను పరిష్కరించడానికి సమయం దొరికింది. నిరాశ్రయులైన ప్రజలు రోడ్డు పక్కన ఉంచిన మురుగునీటి పైపులలో ఆశ్రయం పొందడం గమనించాను. కుటుంబ అవసరాలకు తగినట్లుగా అలాంటి వాటికి మార్పులు చేస్తే... శాశ్వత నివాసాలుగా మార్చవచ్చని భావించానని మానస తెలిపింది.

జపాన్ మరియు హాంకాంగ్‌లలో లభించే తక్కువ ధర ఉన్న గృహాల ఎంపికలపై నెలలపాటు పరిశోధనలు చేసిన తర్వాత పాడ్ తరహా ఇంటిని తయారు చేయాలనే ఆలోచన ప్రేరణ పొందింది. తక్కువ స్థలంలో.. చాలా తక్కువ ఖర్చుతో గృహాలను నిర్మించడం గురించి మరింత అర్థం చేసుకోవడానికి ఆమె ఆన్‌లైన్‌లో అనేక పరిశోధన పత్రాలను కూడా చదివింది.

2020 చివరి నాటికి, COVID-19 లాక్‌డౌన్ నిబంధనలు సడలించబడిన తర్వాత, మానస తెలంగాణలోని సిద్దిపేటలో మురుగు పైపుల తయారీదారులని సంప్రదించింది. వారి సహాయంతో ఆమె ఒక పొడవైన పైపును సేకరించగలిగింది. ఓ కంపెనీ, నా ప్రాజెక్ట్‌లో నాకు సహాయం చేయడానికి అంగీకరించింది.. పైపును నాకు అందించింది. ఇది నేను నిర్మించాలనుకున్న పాడ్-స్టైల్ హోమ్‌కి మరింత స్థలాన్ని ఇచ్చిందని మానస చెబుతుంది, ఒక వ్యక్తి లోపల నిలబడగలిగే పొడవైన పైపు ఉండేలా చూసి.. వేడిని ప్రతిబింబించేలా ఇల్లు చల్లగా ఉంచడానికి తెల్లటి పెయింట్ పూత పూయించింది.

పైపులు, డోర్, కిటికీ ఫ్రేమ్‌తో పాటు బాత్రూమ్, ఎలక్ట్రికల్ ఫిట్టింగ్‌లతో సహా ఇతర ముడిసరుకు కొనుగోలు చేసేందుకు మానస తన తల్లి వద్ద రూ. 5 లక్షలు అప్పుగా తీసుకుంది. మా నాన్న చనిపోయిన తర్వాత మా అమ్మ నన్ను, నా చెల్లెలికి పోషించింది. మా నాన్న మరణించిన ఏడాదిలోనే ఆమె వరి సాగు చేపట్టింది, దానిని ఆమె నేటికీ కొనసాగిస్తున్నారు. నా ప్రాజెక్ట్‌ విషయంలో తల్లి హృదయపూర్వకంగా ప్రోత్సహించింది. ప్రాజెక్టుకు అవసరమైన రుణం తీసుకుంది అని మానస చెప్పింది. తమ బంధువు దగ్గర ప్లాట్ తీసుకున్న మానస.. 2 మార్చి 2021న నిర్మాణం ప్రారంభించింది. మార్చి 28 నాటికి, 1 BHK O-Pod హౌస్ సిద్ధంగా ఉంది. ఇల్లు 16 అడుగుల పొడవు మరియు 7 అడుగుల పొడవు ఉంటుంది. ఇందులో ఒక చిన్న గది, బాత్రూమ్, కిచెన్ మరియు సింక్ మరియు క్వీన్ సైజ్ మ్యాట్రెస్‌ని ఉంచగలిగే బెడ్‌రూమ్ ఉన్నాయని మానస చెప్పింది.

ఇల్లు నివాసయోగ్యంగా ఉందో లేదో పరీక్షించడానికి, నిర్మాణ బృందంలో భాగంగా పనిచేస్తున్న ఒక వలస కార్మికుడిని ఏడు రోజుల పాటు అక్కడే ఉండమని ఆమె ఒప్పించింది. అతనికి విద్యుత్, నీటి సరఫరా మరియు ఆహారం కూడా అందించాము. అతను అక్కడ నివసించడాన్ని ఆస్వాదించాడు. బాత్రూమ్ ప్లేస్‌మెంట్ గురించి మాకు కొంత ఫీడ్‌బ్యాక్ ఉంది. విండోస్‌తో మరింత వెంటిలేషన్‌ను ఇవ్వడానికి ప్రయత్నిస్తున్నాము.. ఈ మార్పులను భవిష్యత్ ప్రాజెక్ట్‌లలో చేర్చబడుతుందని మానస తెలిపింది.

OPod హౌస్‌ను ప్రారంభించిన అదే రోజున.. LPU నుండి బిజినెస్ మేనేజ్‌మెంట్ విద్యార్థి నవీన్ రెడ్డితో కలిసి మానస తన కంపెనీ, సామ్నవి కన్‌స్ట్రక్షన్స్‌ను ప్రారంభించింది. మానస 2,3 మరియు 4BHK ఓ-పాడ్ హౌస్‌ల డిజైన్‌లపై కూడా పని చేస్తోంది. ఇప్పటి వరకు, కేరళ, తమిళనాడు, ఆంధ్రప్రదేశ్ మరియు ఒడిశాతో సహా వివిధ రాష్ట్రాల నుండి OPod హౌస్‌లను నిర్మించడానికి ఆమెకు 200 పైగా ఆర్డర్‌లు వచ్చాయి. మరింత సమాచారం కోసం Samnavi Construction వెబ్‌సైట్‌ను సందర్శించవచ్చు.