BRS : వరంగల్ లో కేసీఆర్ చెప్పిందేమిటి.. చేస్తున్నదేమిటి?

ఇక అన్ని విషయాలను ఇద్దరే భుజానకెత్తుకున్నారు. కాంగ్రెస్ వర్కింగ్ ప్రెసిడెంట్ కేటీఆర్ తో పాటు మాజీ మంత్రి హరీశ్ రావులు ఇద్దరే ప్రభుత్వానికి వ్యతిరేకంగా ఎక్కువగా గళం విప్పుతున్నారు. అలాగే ఆందోళన కార్యక్రమాల్లోనూ వారిద్దరే ముందు భాగాన ఉంటున్నారు. కుటుంబ సభ్యుల ప్రభావం పార్టీ ఓటమి పాలయిన తర్వాత కూడా మరొక నేతను ముందు పెట్టి పార్టీ కార్యక్రమాలను నడిపేందుకు వారు ఇష్టపడటం లేదు. దీంతో పాటు కల్వకుంట్ల కవిత ఇప్పటికే యాత్ర పేరిట జనంలోకి వెళుతున్నారు. సామాజికయాత్ర పేరుతో తెలంగాణలో ప్రారంభించిన యాత్ర ప్రభావం కూడా బీఆర్ఎస్ పై పడననుందన్న విశ్లేషణలు వెలువడుతున్నాయి. జూబ్లీహిల్స్ ఉప ఎన్నికలు కావచ్చు. స్థానిక సంస్థల ఎన్నికలు కావచ్చు. ఏ ఎన్నిక జరిగినా బీఆర్ఎస్ శ్రేణులకు ఒకింత నీరసంలో ఉండటం పార్టీకి మైనస్ అని చెప్పాలి.

శాసనసభ ఎన్నికల్లో ఓటమి పాలయి రెండేళ్లు దాటుతున్నప్పటికీ పార్టీ అధినేత కేసీఆర్ కార్యకర్తలను కలిసేందుకు ఇష్టపడకపోవడం కూడా పార్టీపై ఎఫెక్ట్ పడనుందని చెబుతున్నారు. ప్రజా సమస్యలపై పోరాడాల్సిన సమయంలో పార్టీని కేసీఆర్ వదిలేయడం కూడా నేతలు, క్యాడర్ లో ఒకరకమైన నిస్పృహను కలిగించింది. నేతలు కూడా ఎన్నికలకు ముందు వస్తే మంచిదని భావించి దాదాపు 90కి పైగా నియోజకవర్గాల్లో నేతలు బయటకు రాకపోవడంతో అక్కడ ఉన్న కారు పార్టీ క్యాడర్ కూడా కలుగులోకి వెళ్లిపోయినట్లే కనిపిస్తుంది. ఎన్నికలకు ముందు వచ్చినా అప్పటికే ఓటర్లు ఫిక్స్ అయిపోయి ఉంటారని, నష్టం జరగక ముందే తీసుకోవాల్సిన చర్యల విషయంలో నానుస్తుండటం కూడా బీఆర్ఎస్ కు మరింత రాజకీయంగా నష్టం చేకూరుస్తుందంటున్నారు. ఇప్పటికైనా కేసీఆర్ ఫాం హౌస్ వదిలి జనంలోకి రావాలని కోరుతున్నారు.