తెలంగాణలో మళ్లీ పెరుగుతున్న కేసులు

తెలంగాణలోనూ కరోనా కేసులు క్రమంగా పెరుగుతున్నాయి. తాజాగా 285 మందికి కరోనా వైరస్ సోకింది. మొత్తం 248,424 మందికి పరీక్షలు జరపగా 285 మందికి కరోనా సోకినట్లు నిర్ధారణ అయింది. మరణాలు మాత్రం లేవు. కరోనా నిబంధనలను పాటించకపోవడం వల్లనే కేసుల సంఖ్య పెరుగుతుందని వైద్యశాఖ అధికారులు చెబుతున్నారు. బయటకు వెళ్లినప్పుడు మాస్క్ ధరించడం, భౌతిక దూరం పాటించడం వంటివి చేయాలన్నారు. పెళ్లిళ్ల సీజన్ కావడం ఎక్కువ మంది గుమి కూడటం, వేసవి సెలవుల్లో ఇతర ప్రాంతాలకు వెళ్లి రావడం వల్ల కూడా తెలంగాణలో కరోనా కేసులు పెరగడానికి కారణంగా చెబుతున్నారు.