IPL 2024 Auction : వీళ్ల కోసం కోట్లు కుమ్మరించడానికి రెడీ.. వారు దొరికితే చాలు అంతేనట

ముఖ్యంగా కొందరు ఆటగాళ్లకు విపరీతమైన డిమాండ్ ఉంటుంది. ఇటీవల జరిగిన వరల్డ్ కప్ లోనూ.. వివిధ దేశాలతో జరుగుతున్న టీ 20 మ్యాచ్ లలోనూ ఫుల్ ఫామ్ లో ఉన్న ఆటగాళ్లను వదులుకునేందుకు.. కొనుగోలు చేసేందుకు ఏ ఫ్రాంచైజీ కూడా వెనుకాడదు. అయితే ఈసారి ఐపీఎల్ 2024 కు ఎవరు ఎక్కువ ధర పలుకుతారన్న చర్చ సహజంగానే జరుగుతుంది. వారున్న ఫామ్ ను బట్టి మొత్తాన్ని పెంచుతూ పోవడానికి ఫ్రాంచైజీలు ఎంతవరకూ అయినా ప్రయత్నిస్తాయి. అందులో కొందరిని మాత్రం అస్సలు వదులు కోవు. ఎందుకంటే ఆ ఆటగాడు ఉంటే.. స్కోరు పెంచడానికి... వికెట్లు పడగొట్టడానికి ఉపయోగపడతాడని ముందుగా అంచనా వేసుకుని మరీ ధరలు పలుకుతాయి.

అటువంటి వారిలో భారత సంతతికి చెందిన న్యూజిలాండ్ ఆటగాడు రచిన్ రవీంద్రను ఎంత పోసైనా కొనుగోలు చేయడానికి ఫ్రాంచైజీలు సిద్ధంగా ఉన్నాయి. రచిన్ రవీంద్ర ఆల్ రౌండర్ గా పేరుంది. ఇటు బ్యాటర్ గా, అటు బౌలర్ గానూ సత్తా చాటుతున్నాడు. రచిన్ రవీంద్ర ఈ ఐపీఎల్ లో అత్యంత ఎక్కువ ధరకు అమ్ముడు పోవచ్చన్న అంచనాలు వినపడుతున్నాయి. మరో బ్యాటర్ హెడ్.. ఆస్ట్రేలియాకు చెందిన ఇతగాడు వన్డే ప్రపంచకప్ లో రాణించాడు. అందుకోసమే ఇతని కోసం కోట్లు కుమ్మరించడానికి ఫ్రాంచైజీలు రెడీ అవుతున్నాయి. వీరితో పాటు న్యూజిలాండ్ కు చెందిన మిచెల్, ఆస్ట్రేలియా కు చెందిన కమిన్స్, స్టార్క్, శ్రీలంకకు చెందిన హసరంగా, రెలాల్డ్ కోయిట్టీ, శార్దూల్ ఠాకూర్, షారూఖ్ ఖాన్ లకు కూడా భారీ ధర పలికే అవకాశముందన్న అంచనాలున్నాయి. ఇదే విషయాన్ని సీనియర్ ఆటగాడు రవిచంద్రన్ అశ్విన్ కూడా తన అంచనాగా చెప్పడం విశేషం.