T20 World Cup Semi Finals : సులువు కాదు.. సోదరా.. కానీ సాధ్యమే

ఇక భారత్ - ఇంగ్లండ్ మధ్య సెమీ ఫైనల్స్ రేపు జరగనుంది. ముంబయి వాంఖడే స్టేడియం వేదికగా ఈ మ్యాచ్ జరగనుంది. ఇంగ్లండ్ ఇప్పటి వరకూ ఏ మ్యాచ్ లో ఓడిపోకుండా సెమీ ఫైనల్స్ లోకి అడుగు పెట్టింది. భారత్ మాత్రం గ్రూప్ దశలో అన్ని విజయాలతో మొదలు పెట్టి సూపర్ 8 దశలో మాత్రం దక్షిణాఫ్రికా చేతిలో ఓటమి పాలయింది. దీంతో ఇంగ్లండ్ తో భారత్ గట్టి పోటీని ఎదుర్కొనే అవకాశముంది. ఇంగ్లండ్ జట్టు సమిష్టిగా రాణిస్తూ ఈ విజయాలను అందుకోవడంతో భారత్ జట్టు ఏ మేరకు వారిని నిలువరిస్తుందన్నది చూడాలి.

టీ 20 వరల్డ్ కప్ లో సెమీ ఫైనల్స్ లో వరసగా మూడోసారి భారత్ - ఇంగ్లండ్ జట్లు తలపడనున్నాయి. 2022లో మాత్రం టీం ఇండియాను ఇంగ్లండ్ ను సెమీ ఫైనల్స్ లో ఓడించగలిగింది. 2024లో మాత్రం భారత్ ఇంగ్లండ్ ను ఓడించడమే కాకుండా ఛాంపియన్ గా నిలిచింది. మూడు సార్లు ఒకే జట్లు సెమీ ఫైనల్స్ లో పోరాడుతుండటం అరుదైన విషయం. ప్రస్తుతం టీం ఇండియా కూడా మంచి ఫామ్ లోకి వచ్చింది. అభిషేక్ శర్మ కొంత ఆత్మవిశ్వాసంతో బ్యాట్ అందుకుంటే మాత్రం స్కోరు బోర్డు పరుగులు తీస్తుంది. సంజూ శాంసన్, సూర్యకుమార్ యాదవ్, తిలక్ వర్మ, హార్ధిక్ పాండ్యా, శివమ్ దూబె, అక్షర్ పటేల్ వంటి వారు మంచి జోరుమీదున్నారు. బుమ్రా, పాండ్యా, అర్ష్ దీప్ సింగ్, వరుణ్ చక్రవర్తిలు వికెట్లు దొరకబుచ్చుకోవడంలో సక్సెస్ అవుతున్నారు. మరి ఇంగ్లండ్ జట్టును టీం ఇండియా ఎలా అడ్డుకుంటుందన్నది చూడాలి.