ప్రధాని మోదీకి టీషర్ట్ గిఫ్ట్ ఇచ్చిన సచిన్.. పేరు ఏమని ఉందంటే?

ఉత్తరప్రదేశ్ లోని ప్రముఖ పుణ్యక్షేత్రం వారణాసిలో అంతర్జాతీయ క్రికెట్ స్టేడియం నిర్మాణానికి ప్రధాని నరేంద్ర మోదీ నేడు శంకుస్థాపన చేశారు. ముఖ్యమంత్రి యోగి ఆదిత్యనాథ్ నేతృత్వంలోని ఉత్తరప్రదేశ్ ప్రభుత్వం స్టేడియం కోసం భూమిని సేకరించడానికి రూ. 121 కోట్లు వెచ్చించగా, భారత క్రికెట్ కంట్రోల్ బోర్డు దీని నిర్మాణానికి రూ. 330 కోట్లు వెచ్చించనుంది. వారణాసిలోని ఘాట్‌ల మెట్లను పోలిన ప్రేక్షకుల గ్యాలరీ ఉంటుంది. స్టేడియంలో 30,000 మంది ప్రేక్షకులు కూర్చునేందుకు వీలుగా ఉంటుంది. అంతేకాకుండా ఏడు పిచ్‌లు ఉంటాయి. రాజతలాబ్ ప్రాంతంలోని రింగ్ రోడ్ సమీపంలో ఉన్న ఈ స్టేడియం డిసెంబర్ 2025 నాటికి సిద్ధమవుతుందని భావిస్తూ ఉన్నారు.