ICC పురుషుల T20 ప్రపంచ కప్‌లో సూపర్ 12 రౌండ్‌లో భారత్ దక్షిణాఫ్రికాతో ఆదివారం, అక్టోబర్ 30న తలపడనుంది. పాకిస్తాన్‌పై సూపర్ విక్టరీని కొట్టి.. భారత్ ICC పురుషుల T20 ప్రపంచ కప్ ప్రయాణాన్ని ప్రారంభించింది. కెప్టెన్ రోహిత్ శర్మ నాయకత్వంలో భారత్ మంచి ఫామ్‌లో కనిపిస్తోంది. ఆప్టస్ స్టేడియం (అధికారికంగా పెర్త్ స్టేడియం)లో జరగాల్సిన ఈ మ్యాచ్ టోర్నమెంట్‌లో భారత్‌కి మూడో మ్యాచ్. ఈ టీ20 ప్రపంచకప్‌లో పాకిస్థాన్‌తో పాటు నెదర్లాండ్స్‌తో జరిగిన రెండు మ్యాచ్‌ల్లోనూ టీమిండియా విజయం సాధించింది. దక్షిణాఫ్రికా కూడా ఈ టోర్నీలో ఒక్క మ్యాచ్‌లోనూ ఓడిపోలేదు. జింబాబ్వేతో జరిగిన మ్యాచ్ రద్దు కాగా, బంగ్లాదేశ్‌పై దక్షిణాఫ్రికా భారీ విజయాన్ని సాధించింది. రెండు వరుస విజయాలతో 4 పాయింట్లతో గ్రూప్ 2లో అగ్రస్థానంలో ఉన్న భారత్‌కు ఈ మ్యాచ్ చాలా ముఖ్యమైనది. దక్షిణాఫ్రికా జట్టుకు 3 పాయింట్లు ఉన్నాయి. గ్రూప్-టాపర్స్‌గా నిలవడానికి, సెమీ-ఫైనల్‌కు వెళ్లడానికి ఆదివారం జరిగే మ్యాచ్‌లో భారత్ ప్రోటీస్‌ను ఓడించాలి.