టాస్ గెలిచిన ఐర్లాండ్.. మరో సంచలనం సృష్టించేనా..?

టీ20 వరల్డ్ కప్ 2022లో ఆస్ట్రేలియా ఐర్లాండ్ తో తలపడనుంది. ఈరోజు టీ20 ప్రపంచ కప్ మ్యాచ్ లో ఒక్క మ్యాచ్ మాత్రమే ఉంది. బ్రిస్బేన్‌లో టాస్ గెలిచిన ఐర్లాండ్ తొలుత ఫీల్డింగ్ ఎంచుకుంది. ఈ మ్యాచ్‌లో ఏ జట్టు గెలిస్తుందో.. ఆ జట్టు సెమీ ఫైనల్ కు వెళ్లే అవకాశాలు ఎక్కువగా ఉన్నాయి. సూపర్-12 రౌండ్‌లో ఇరు జట్లు ఇప్పటి వరకు మూడు మ్యాచ్‌లు ఆడాయి. ఇరు జట్లకు తలో 3 పాయింట్లు ఉన్నాయి. నెట్ రన్ రేట్ పరంగా ఐర్లాండ్ స్థానం మెరుగ్గా ఉంది. ఇక 6 జట్ల గ్రూప్-1లో ఐర్లాండ్ మూడో స్థానంలో, ఆస్ట్రేలియా నాలుగో స్థానంలో ఉన్నాయి. T20 ప్రపంచ కప్ 2022 తొలి మ్యాచ్‌లో న్యూజిలాండ్‌తో ఆస్ట్రేలియా ఓడిపోయింది. ఆ తర్వాత శ్రీలంక పై గెలిచింది. వర్షం కారణంగా ఇంగ్లాండ్‌తో మ్యాచ్ రద్దైంది.