గుడ్ న్యూస్.. పసిడిప్రియులూ ఓ లుక్కేయండి

బంగారం ధరలు ఎక్కువగా పెరిగినా కష్టమే. కొనుగోలుదారులు ధరలు తగ్గేంత వరకూ వేచి చూస్తారు. తమకు నచ్చిన డిజైన్ల కోసం కూడా కొందరు వెయిట్ చేస్తుంటారు. అందుకే ఎప్పటికప్పుడు బంగారం ఆభరణాల డిజైన్లను మారుస్తూ జ్యుయలరీ దుకాణాలు వినియోగదారులను ఆకట్టుకునే ప్రయత్నం చేస్తాయి. కానీ ధరల పెరుగుదల, తగ్గుదల వారి చేతిల్లో ఏమీ లేదు. కేంద్ర బ్యాంకుల వద్ద నిల్వలు, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల వంటి కారణాలో బంగారం ధరల్లో పెరుగుదల, తగ్గుదల కనిపిస్తుందని మార్కెట్ నిపుణులు చెబుతుంటారు. పెళ్లిళ్ల సీజన్ కావడంతో ఇటీవల కాలంలో బంగారానికి డిమాండ్ పెరిగింది. పెరిగిన డిమాండ్ కు అనుగుణంగా అందించాలన్న కారణంతో బంగారం దిగుమతులు కూడా దేశంలో ఎక్కువయ్యాయని మార్కెట్ నిపుణులు చెబుతున్నారు.