మిస్ ఇండియాకు కరోనా.. మిస్ వరల్డ్ పోటీలు వాయిదా

2021 డిసెంబర్ 16వ తేదీ నుంచి మిస్ వరల్డ్ 2021 పోటీలు ప్రారంభమవ్వాల్సి ఉంది. ఈ నేపథ్యంలో మిస్ వరల్డ్ పోటీ దారులు 17 మందితో పాటు సిబ్బందికి కరోనా నిర్థారణవ్వడంతో.. పోటీలను వాయిదా వేసినట్లు నిర్వాహకులు వెల్లడించారు. తిరిగి 90 రోజుల తర్వాత అంటే.. సుమారు 3 నెలల తర్వాత పోటీలను రీ షెడ్యూల్ చేయనున్నట్లు తెలిపారు. ఈ విషయాన్ని మిస్ ఇండియా ఆర్గనైజేషన్ కూడా అధికారికంగా ధృవీకరించింది.

మిస్ ఇండియా 2020 మానస వారణాసి ప్రస్తుతం ప్యూర్టోరికోలో ఐసోలేషన్ లో చికిత్స తీసుకుంటున్నట్లు తెలుస్తోంది. తెలంగాణలోని హైదరాబాద్ కు చెందిన మానస వారణాసి (23), ఈ ఏడాది ఫిబ్రవరిలో జరిగిన మిస్ ఇండియా 2020 పోటీల్లో విజేతగా నిలిచింది. ఇప్పుడు భారత్ తరపున 70వ మిస్ వరల్డ్ పోటీల్లో పాల్గొనేందుకు ఆమె ప్యూర్టోరికో వెళ్లారు.