27 రోజుల్లో రూ.100 కోట్లు కొల్లగొట్టిన విరూపాక్ష

సాయిధరమ్ తేజ్- సంయుక్త మీనన్ జంటగా రూపొందిన విరూపాక్ష సినిమా ఏప్రిల్ 21న థియేటర్లలో విడుదలైన విషయం తెలిసిందే. తొలి షో తోనే పాజిటివ్ టాక్ రావడంతో.. సినిమాకు వసూళ్ల వర్షం కురుస్తోంది. సుకుమార్ శిష్యుడు కార్తీక్ దండు ఈ సినిమాతో దర్శకుడిగా పరిచయమవ్వగా.. బీవీఎస్ఎన్ ప్రసాద్ సినిమాను నిర్మించారు. సుకుమార్ స్క్రీన్ ప్లే అందించారు. విరూపాక్ష సినిమా విడుదలై నిన్నటికి 27 రోజులు పూర్తవ్వగా.. ఈ సినిమా రూ.100 కోట్లను వసూలు చేసింది. ఈ మేరకు చిత్ర టీమ్ అధికారిక పోస్టర్ ను వదిలింది.