ఓటీటీలో సందడి చేయబోతున్న విక్రమ్ 'కోబ్రా'

ఆర్ అజయ్ జ్ఞానముత్తు దర్శకత్వం వహించిన సైకలాజికల్ యాక్షన్ థ్రిల్లర్‌లో ఇర్ఫాన్ పఠాన్, శ్రీనిధి శెట్టి, రోషన్ మాథ్యూస్ కూడా నటించారు. ఈ చిత్రం బాక్సాఫీస్ వద్ద పర్వాలేదనిపించినా.. ఓటీటీ ద్వారా చిత్రం ఎక్కువ మంది ప్రేక్షకులకు చేరువయ్యే అవకాశం ఉంది. ఈ సినిమాకు ఎఆర్ రెహమాన్ మంచి సంగీతం అందించారు. ఇది సెప్టెంబర్ 28 నుండి SonyLIVలో ప్రసారం అవుతుంది. ఈ చిత్రంలో విక్ర‌మ్ న‌ట‌న‌కు మాత్రం గొప్ప ప్ర‌శంస‌లు ద‌క్కాయి. విభిన్న గెటప్స్‌లో విక్ర‌మ్ న‌టించిన తీరుకు ప్రేక్ష‌కులు ఫిదా అయ్యారు. ఇక ఈ చిత్రం ఓటీటీ డేట్ కోసం ప్రేక్ష‌కులు ఎంత‌గానో ఎదురు చూస్తున్నారు. ఈ చిత్రంలో విక్ర‌మ్ ద్విపాత్రాభిన‌యంతో ఆకట్టుకుంటుంది. ఈ చిత్రాన్ని సెవెన్ స్క్రీన్‌ స్టూడీయో ప‌తాకంపై ఎస్.ఎస్ ల‌లిత్‌కుమార్ నిర్మించాడు.

విక్రమ్ ప్రస్తుతం తన తదుపరి చిత్రం పొన్నియిన్ సెల్వన్ 1 ప్రమోషన్‌లో బిజీగా ఉన్నారు. ప్రముఖ నవల పొన్నియిన్ సెల్వన్ ఆధారంగా రూపొందించబడింది. ఈ సినిమాలో ఆదిత్య కరికాలన్ పాత్రలో విక్రమ్ నటిస్తున్నాడు.