Unstoppable 2 : 24 గంటలు కాకుండానే 100 స్ట్రీమింగ్ మినిట్స్ కంప్లీట్

తొలిభాగంలో బాలకృష్ణ.. పవన్ సినీ, వ్యక్తిగత, రాజకీయ జీవితాలతో పాటు.. కుటుంబ సభ్యుల గురించి పలు విషయాలను అడిగి తెలుసుకున్నారు. బాలయ్య ఎలాంటి ముచ్చట పెట్టాడా.. బాలయ్య ప్రశ్నలకు పవన్ ఎలాంటి సమాధానాలు ఇచ్చాడా అని అభిమానులతో పాటు అందరూ ఆసక్తిగా తిలకించారు. ఈ పవర్ఫుల్ ఎపిసోడ్ అప్పుడే రికార్డుల మోత మోగిస్తోంది.

బాలయ్య - పవన్ కల్యాణ్ ఎపిసోడ్ పార్ట్ 1 స్ట్రీమింగ్ కి వచ్చి 24 గంటలైనా కాకుండానే.. ఏకంగా 100 మిలియన్ స్ట్రీమింగ్ మినిట్స్ కంప్లీట్ చేసుకున్నట్లుగా ఆహా నిర్వాహకులు తెలిపారు. ఇలా ఈ టాక్ షోకు ఈ రేంజ్ రెస్పాన్స్ వస్తుందని తాము ముందుగానే ఊహించామని.. అందుకు తగ్గట్టుగానే ఈ ఎపిసోడ్‌కు ‘బాప్ ఆఫ్ ఆల్ ఎపిసోడ్స్’ అనే ట్యాగ్ ఇచ్చామని ఆహా నిర్వాహకులు తెలిపారు. ఇక ఈ టాక్ షో ఎపిసోడ్‌ను సోషల్ మీడియాలో పవన్ అభిమానులు ట్రెండింగ్ చేస్తుండటంతో అన్‌స్టాపబుల్-2 షో కూడా నెట్టింట ట్రెండ్ అవుతోంది. ఫిబ్రవరి 10న పార్ట్ 2 స్ట్రీమింగ్ కు వస్తుందని ఆహా టీమ్ తెలిపింది.