RRR ఖాతాలోకి మరో రెండు విదేశీ అవార్డులు

తాజాగా RRR ఖాతాలోకి మరో రెండు విదేశీ అవార్డులు వరించాయి. హూస్టన్ ఫిల్మ్ క్రిటిక్స్ సొసైటీ అవార్డుల్లో ఆర్ఆర్ఆర్ ఉత్తమ విదేశీ చిత్రంగా నిలిచింది. ఈ అవార్డుల్లో బెస్ట్ ఒరిజినల్ సాంగ్ పురస్కారం కూడా ఈ చిత్రానికే దక్కింది. ఇప్పటికే ఆస్కార్ బరిలో ఉన్న నాటు నాటు పాట హూస్టన్ ఫిల్మ్ క్రిటిక్స్ సొసైటీని కూడా ఆకట్టుకుంది. ఈ అవార్డులతో కలిపి RRR మొత్తం 18 అంతర్జాతీయ అవార్డులను అందుకుంది. ఇప్పుడు అందరి దృష్టి.. మార్చి 13న జరగనున్న ఆస్కార్ అవార్డుల కార్యక్రమంపైనే ఉంది. నాటు నాటు పాటకు ఆస్కార్ వస్తుందని అందరూ ఆశగా ఎదురుచూస్తున్నారు.