గండికోటలో భారతీయుడు 2 షూటింగ్

విక్రమ్ సినిమాతో బ్లాక్ బస్టర్ హిట్ అందుకుని.. తిరిగి ఫామ్ లోకి వచ్చారు కమలహాసన్. ఇప్పుడు అదే జోష్ లో వాయిదా పడిన భారతీయుడు2 ను కూడా తిరిగి ట్రాక్ లోకి తీసుకొచ్చారు. స్టార్ డైరెక్టర్ శంకర్ దర్శకత్వంలో రూపొందుతున్న ఈ చిత్రం షూటింగ్ ప్రస్తుతం రాయలసీమలో జరుగుతోంది. కడపజిల్లాలోని గండికోటలో వేసిన ప్రత్యేక సెట్ లో బ్రిటీష్ కాలం నాటి సన్నివేశాలను చిత్రీకరిస్తున్నారు. అప్పట్లో కూరగాయలు, పశువుల అమ్మకాలు జరుగుతున్న మార్కెట్‌పై బ్రిటీష్ పోలీసులు దాడి చేస్తుంటే, కమల్ వారిని ఎదుర్కునే సన్నివేశాలను ఇక్కడ చిత్రీకరిస్తున్నట్లు సమాచారం.