చలాకి చంటికి ఏమైంది ? ఇప్పుడు అతని ఆరోగ్య పరిస్థితి ఎలా ఉంది ?

అయితే.. ఈ రోజు చలాకి చంటి తీవ్ర అస్వస్థతకు గురయ్యాడని ఓ వార్త సోషల్ మీడియాలో వైరల్ అవుతోంది. గుండెపోటుకు గురైన చంటిని ఓ ప్రైవేటు ఆస్పత్రిలో ఐసీయూలో ఉంచి చికిత్స అందిస్తున్నారని ఆ వార్త సారాంశం. అయితే తొలుత ఈ విషయాన్ని ఎవరూ నమ్మలేదు. కానీ.. ఆయన సన్నిహిత వర్గాలు చెప్పినదాన్ని బట్టి నిజమేనని తెలుస్తోంది. ప్రస్తుతం ఆస్పత్రిలో ఉన్న చంటి ఆరోగ్యం నిలకడగా ఉందని సమాచారం. చంటి పూర్తిగా కోలుకున్నాక డిశ్చార్జ్ చేసే అవకాశాలున్నట్లు తెలుస్తోంది. ఇటీవల కాలంలో వయసుతో సంబంధం లేకుండా ఎంతోమంది గుండెపోటుకు గురై మరణిస్తున్నారు. ఈ నేపథ్యంలో చలాకీ చంటికి కూడా గుండెపోటు వచ్చిందన్న వార్త ఆయన అభిమానులను కలవరపరిచింది. ఈ విషయంపై ఆయన కుటుంబ సభ్యుల నుండి ఎలాంటి అధికారిక సమాచారం అందలేదు.