స్టార్ హీరో అజిత్ ఇంట విషాదం.. ప్రముఖుల సంతాపం

కోలీవుడ్ స్టార్ హీరో అజిత్ ఇంట తీవ్రవిషాదం నెలకొంది. ఆయన తండ్రి సుబ్రమణ్యం (84) అనారోగ్యంతో శుక్రవారం కన్నుమూశారు. కొంతకాలంగా అనారోగ్య సమస్యలతో బాధపడుతున్న ఆయన చెన్నైలోని నివాసంలో తుదిశ్వాస విడిచారు. సుబ్రమణ్యంకు అజిత్ తో పాటు అనుప్ కుమార్, అనిల్ కుమార్.. మొత్తం ముగ్గురు కుమారులున్నారు. అజిత్ కు పితృవియోగం కలిగిందని తెలిసి.. కోలీవుడ్ ప్రముఖులు ఆయన కుటుంబానికి సానుభూతి తెలుపుతున్నారు. సుబ్రమణ్యం ఆత్మకు శాంతి చేకూరాలంటూ అజిత్‌ అభిమానులు సోషల్‌ మీడియాలో పోస్టులు షేర్‌ చేస్తున్నారు. సుబ్రమణ్యం కేరళలోని పాలక్కాడ్‌కు చెందిన మలయాళీ. ఆయన భార్య పేరు మోహినీ.