పేట్రేగిన ఉగ్రవాదులు.. 32 మంది సజీవదహనం

భయంతో బిక్కు బిక్కుమంటూ బస్సులో కూర్చున్న అమాయక ప్రయాణికులపై విచక్షణా రహితంగా కాల్పులు జరిపారు. అనంతరం పెట్రోల్ పోసి బస్సుకు నిప్పంటించి అక్కడి నుంచి పరారయ్యారు. ఈ ఉగ్రదాడిలో 32 మంది ప్రాణాలు కోల్పోయారు. ఈ ఘటనకు సంబంధించిన దృశ్యాలు సోషల్ మీడియాలో వైరల్ అవుతున్నాయి. ఆ దృశ్యాల్లో మృతదేహాలు చెల్లా చెదురుగా పడి భయంకరమైన వాతావరణం కనిపిస్తోంది. మాలిలో ఉగ్రవాదం పెరిగిపోతోంది. ముఖ్యంగా నార్త్ మాలిలో ఉగ్రదాడులు రెట్టింపవుతున్నాయి. ప్రభుత్వంపై ఆర్మీ తిరుగుబాట్లతో అక్కడి పరిస్థితులు దారుణంగా తయారయ్యాయి. తాజాగా జరిగిన ఈ ఉగ్రదాడిపై అక్కడి ప్రభుత్వం ఇంకా స్పందించకపోవడం గమనార్హం.